Tecno Pova 8 Pro : లంబోర్గిని లుక్‌లో టెక్నో ఫోన్.. ఫీచర్లు చూస్తే షాక్.!

Tecno Pova 8 Pro : ప్రముఖ స్మార్ట్‌ఫోన్ బ్రాండ్ టెక్నో (Tecno), ఇటాలియన్ లగ్జరీ లైఫ్‌స్టైల్ బ్రాండ్ టోనినో లంబోర్గిని (Tonino Lamborghini) భాగస్వామ్యంతో సరికొత్త 'టెక్నో పొవా 8 ప్రో 5G టోనినో లంబోర్గిని లిమిటెడ్ ఎడిషన్' స్మార్ట్‌ఫోన్‌ను మార్కెట్‌లోకి విడుదల చేసింది. స్పోర్టీ లుక్, ప్రీమియం డిజైన్, శక్తివంతమైన ప్రాసెసర్‌తో రూపుదిద్దుకున్న ఈ ఫోన్ ప్రత్యేక వివరాలు ఇవే:

ధర..

ఈ లిమిటెడ్ ఎడిషన్ స్మార్ట్‌ఫోన్ ధర, విక్రయ తేదీ వివరాలను కంపెనీ ఇంకా అధికారికంగా వెల్లడించలేదు. అయితే, గతంలో భారత్‌లో విడుదలైన సాధారణ పొవా 8 ప్రో 5G మోడల్ ప్రారంభ ధర రూ. 49,999గా ఉంది. ఆ మోడల్ హార్డ్‌వేర్ ఫీచర్లతోనే వచ్చినందున దీని ధర కూడా దానికి దగ్గరగా లేదా కాస్త ప్రీమియంగా ఉండే అవకాశం ఉంది.

ఆకట్టుకునే స్పోర్టీ డిజైన్

ఈ స్మార్ట్‌ఫోన్‌ను 'టోనినో లంబోర్గిని బ్లాక్' షేడ్‌లో, నలుపు , ఎరుపు రంగుల కాంబినేషన్‌లో డిజైన్ చేశారు. బ్యాక్ ప్యానెల్‌పై ప్రత్యేకమైన హెక్సాగన్ ప్యాటర్న్ , మధ్యలో కాంతికి ప్రతిబింబించే మిర్రర్ నిర్మాణంతో 'పల్స్ లైన్' అందించారు. బ్యాక్ ప్యానెల్‌పై మెటాలిక్ ఫినిషింగ్‌తో లంబోర్గిని లోగో ప్రధాన ఆకర్షణగా నిలుస్తుంది. కెమెరా మోడ్యూల్ వద్ద ఉండే అలైవ్ మ్యాట్రిక్స్ డిస్‌ప్లేపై కస్టమైజ్డ్ 'L' సిగ్నేచర్ వెలుగుతుంది.

డిస్‌ప్లే , ప్రాసెసర్

ఈ ఫోన్‌లో 6.78-అంగుళాల హైపర్‌లక్స్ AMOLED డిస్‌ప్లే ఉంది. ఇది 144Hz రిఫ్రెష్ రేట్, 1,208x2,644 పిక్సెల్స్ రెసల్యూషన్, 4,500 నిట్స్ పీక్ బ్రైట్‌నెస్‌కు సపోర్ట్ చేస్తుంది. దీని స్క్రీన్‌కు కార్నింగ్ గొరిల్లా గ్లాస్ 7i ప్రొటెక్షన్ ఇచ్చారు. ఇది గేమింగ్ , మల్టీటాస్కింగ్‌కు అనువుగా ఉండే శక్తివంతమైన మీడియాటెక్ డైమెన్సిటీ 7400 అల్టిమేట్ 5G ప్రాసెసర్‌తో పాటు ఆర్మ్ మాలి-G615 MC2 GPUతో పనిచేస్తుంది. ఈ ఫోన్ 12GB వరకు ర్యామ్, 512GB వరకు స్టోరేజ్‌తో వస్తుంది. ఇంటర్నల్ వర్చువల్ ర్యామ్ సపోర్ట్‌తో ర్యామ్‌ను 24GB వరకు పెంచుకోవచ్చు.

కెమెరా, ఆపరేటింగ్ సిస్టమ్

ఫోన్ వెనుక వైపు డ్యూయల్ కెమెరా సెటప్ ఉంది. ఇందులో OIS సపోర్ట్ ఉన్న 50-మెగాపిక్సెల్ సోనీ LYT-700C ప్రైమరీ కెమెరా, , 8-మెగాపిక్సెల్ అల్ట్రా-వైడ్ యాంగిల్ కెమెరా ఉన్నాయి. సెల్ఫీలు, వీడియో కాల్స్ కోసం ముందర 13-మెగాపిక్సెల్ కెమెరా అందించారు. ఈ ఫోన్ ఆండ్రాయిడ్ 16 ఆధారిత HiOS 16 పై నడుస్తుంది. దీనికి రెండు ప్రధాన ఆండ్రాయిడ్ ఓఎస్ అప్‌డేట్‌లు , మూడేళ్ల సెక్యూరిటీ ప్యాచ్‌లను కంపెనీ హామీ ఇచ్చింది.

బ్యాటరీ , కనెక్టివిటీ

ఈ స్మార్ట్‌ఫోన్ 6,500mAh సామర్థ్యం గల భారీ బ్యాటరీని కలిగి ఉంది. ఇది 45W ఫాస్ట్ ఛార్జింగ్‌కు సపోర్ట్ చేస్తుంది. కనెక్టివిటీ కోసం 5G, వై-ఫై 6, బ్లూటూత్ 5.4, NFC, GPS, , USB టైప్-సి పోర్ట్‌లు ఉన్నాయి. భద్రత కోసం ఇన్-డిస్‌ప్లే ఫింగర్‌ప్రింట్ సెన్సార్ అందించారు. ఫోన్ మందం 7.39mm కాగా, బరువు కేవలం 189 గ్రాములుగా ఉంది.