Basara Temple Theft : బాసర పుణ్యక్షేత్రంలో పాపం.. హుండీతో పాటు కిరీటం చోరీ.!

Basara Temple Theft : ప్రసిద్ధ పుణ్యక్షేత్రమైన నిర్మల్ జిల్లా బాసర జ్ఞాన సరస్వతీ దేవి ఆలయ ప్రాంగణంలో ఘోర భద్రతా వైఫల్యం వెలుగుచూసింది. ఆలయ పరిధిలోని మొదటి అంతస్తులో కొలువై ఉన్న మహంకాళి అమ్మవారి గుడిలో దొంగలు పడ్డారు. అర్ధరాత్రి దాటిన తర్వాత ఆలయంలోకి చొరబడిన దుండగులు అమ్మవారి వెండి కిరీటంతో పాటు, భక్తులు సమర్పించిన కానుకల హుండీని కూడా ఎత్తుకెళ్లడం స్థానికంగా తీవ్ర సంచలనం సృష్టించింది.

ఉదయం పూజల వేళ వెలుగుచూసిన ఉదంతం

మంగళవారం ఉదయం మహంకాళి అమ్మవారికి అభిషేకం, నిత్య పూజలు నిర్వహించేందుకు వెళ్లిన అర్చకులు ఆలయ తాళాలు పగులగొట్టి ఉండటాన్ని గమనించారు. లోపలికి వెళ్లి చూడగా అమ్మవారి అలంకరణలో ఉన్న వెండి కిరీటం మాయం కావడంతో పాటు హుండీ కూడా కనిపించకుండా పోయింది. దొంగలు ఆ హుండీలోని నగదును కాజేసిన తర్వాత, ఖాళీ హుండీని వ్యాసగుడి సమీపంలో పడేసి పరారయ్యారు. ఈ ఘటనతో షాక్‌కు గురైన అర్చకులు వెంటనే ఆలయ ఉన్నతాధికారులకు సమాచారం అందించారు.

రంగంలోకి క్లూస్ టీమ్, డాగ్ స్క్వాడ్

ఆలయ అధికారుల ఫిర్యాదుతో స్థానిక పోలీసులు వెంటనే సంఘటనా స్థలానికి చేరుకుని దర్యాప్తు చేపట్టారు. దుండగులు ఆలయ వెనుక వైపు నుంచి లోపలికి వచ్చినట్లుగా పోలీసులు ప్రాథమికంగా నిర్ధారించారు. అక్కడ ఉన్న కొన్ని కీలక ఆధారాలను సేకరించిన పోలీసులు, నిందితుల వేలిముద్రల కోసం క్లూస్ టీమ్‌ను రంగంలోకి దించారు. డాగ్ స్క్వాడ్ సాయంతో కూడా తనిఖీలు చేపట్టారు. ఆలయ పరిసరాల్లో ఉన్న నిఘా కెమెరాల దృశ్యాలను పోలీసులు నిశితంగా పరిశీలిస్తున్నారు. దుండగులు ఏ వైపు నుంచి వచ్చారు, ఎంతమంది ఉన్నారనే కోణంలో విచారణ జరుపుతున్నారు.

ఆరుగురు హోంగార్డులు ఉన్నా.. ఇంత ఈజీగానా?

అత్యంత కట్టుదిట్టమైన భద్రత ఉండే బాసర క్షేత్రంలో ఈ స్థాయి చోరీ జరగడంపై భక్తులు తీవ్ర ఆగ్రహం వ్యక్తం చేస్తున్నారు. రాత్రి పూట ఆలయ రక్షణ విధుల్లో ఏకంగా ఆరుగురు హోంగార్డులు ఉన్నప్పటికీ, దొంగలు ఇంత సులభంగా తాళాలు పగులగొట్టి వెండి కిరీటం, హుండీని ఎలా అపహరించుకుపోయారనే దానిపై సర్వత్రా విమర్శలు వ్యక్తమవుతున్నాయి. చోరీ జరిగిన సమయంలో ఆ సిబ్బంది ఎక్కడ ఉన్నారు, విధుల్లో నిర్లక్ష్యం వహించారా అనే కోణంలోనూ పోలీసులు వారిని విచారిస్తున్నారు. నిందితులను త్వరలోనే పట్టుకుంటామని, ఆలయ భద్రతను మరింత కఠినతరం చేస్తామని పోలీసులు పేర్కొన్నారు.

Slug:

Tags:

Basara Temple, Silver Crown Theft, Mahankali Temple, Nirmal News, Telangana

SEO Keywords:

Basara Temple theft, Mahankali silver crown stolen, Basara hundi theft, Nirmal district news, Telangana temple robbery