Chalo Ankapur: ఎమ్మెల్యే రాకేశ్ రెడ్డి హామీలపై కాంగ్రెస్ ఫైర్.. ఉద్రిక్తంగా ఆర్మూర్ పాలిటిక్స్!

Chalo Ankapur: నిజామాబాద్ జిల్లా ఆర్మూర్‌లో రాజకీయం తీవ్ర రూపం దాల్చించింది. కాంగ్రెస్, బీజేపీ పార్టీల మధ్య సవాళ్లు ప్రతి సవాళ్లతో స్థానిక రాజకీయం ఒకసారిగా వేడెక్కింది. ఎన్నికల సమయంలో ఇచ్చిన రూపాయికే వైద్యం, సొంత డబ్బులతో ఇళ్ల నిర్మాణం వంటి హామీలను ఎమ్మెల్యే రాకేశ్ రెడ్డి ఇప్పటికీ నెరవేర్చలేదంటూ కాంగ్రెస్ నాయకులు సోషల్ మీడియా వేదికగా విమర్శలు దాడికి దిగారు. ఇందులో భాగంగా చలో అంకాపూర్ కార్యక్రమానికి కాంగ్రెస్ పిలుపునిచ్చింది.

మరోవైపు కాంగ్రెస్ ఆరోపణలను ఎమ్మెల్యే రాకేష్ రెడ్డి తీవ్రంగా ఖండించారు. ఎమ్మెల్యే ఇంటి ముట్టడికి వస్తే ఊరుకునేది లేదని బీజేపీ నేతలు హెచ్చరిస్తున్నారు. చలో అంకాపూర్ నేపథ్యంలో ఇరుపార్టీల నాయకులు పోటా పోటిగా సిద్ధమవుతుండడంతో పోలీసులు ముందస్తు అరెస్టు చేస్తున్నారు.