Rajanna Sircilla: స్థిరంగా మిడ్ మానేర్.. నీటి నిల్వలు యథాతథం!

Rajanna Sircilla: రాజన్న సిరిసిల్ల జిల్లా బోయిన్ పల్లి మండలం కొదురుపాక మిడ్ మానేర్ రిజర్వాయర్లో నీటి మట్టం ప్రస్తుతం స్థిరంగా కొనసాగుతోంది. ఉదయం 6:00 గంటల పరిస్థితి ప్రకారం రిజర్వాయర్ నీటి మట్టం +307.64 మీటర్లుగా నమోదైంది. పూర్తి స్థాయి నీటి మట్టం 318 మీటర్లు కాగా, ప్రస్తుతం 8.145 టీఎంసీల నీరు నిల్వలో ఉంది. రిజర్వాయర్ మొత్తం సామర్థ్యం 27.55 టీఎంసీలు.

రిజర్వాయర్‌కు ఎటువంటి ఇన్‌ఫ్లోలు నమోదు కాలేదు. ఎస్‌వైపీ (జీపీఎచ్), ఎస్సార్‌ఎస్పీ, అలాగే మానేర్, ములవాగు, ఎఫ్‌ఎఫ్‌సీ ఇన్‌లెట్ల ద్వారా వరద ప్రవాహం కూడా లేకపోవడం గమనార్హం.

అవుట్‌ఫ్లో విషయానికి వస్తే మొత్తం 1135 క్యూసెక్కుల నీరు విడుదల చేస్తున్నారు. ఇందులో రిజర్వాయర్ సప్లై ద్వారా 500 క్యూసెక్కులు, రైట్ మెయిన్ కాలువ ద్వారా 450 క్యూసెక్కులు, లెఫ్ట్ మెయిన్ కాలువ ద్వారా 5 క్యూసెక్కులు విడుదలవుతున్నాయి. అదనంగా ఆవిరి రూపంలో 135 క్యూసెక్కులు, ఎంబీ ద్వారా 45 క్యూసెక్కులు నీటి నష్టం నమోదవుతోంది.

ప్రస్తుతం స్పిల్‌వే గేట్లు ఏవీ ఎత్తలేదు. రిజర్వాయర్ రైట్ స్లూయిస్‌కు చెందిన నాలుగు గేట్లలో రెండు గేట్లు మాత్రమే తెరిచి ఉంచారు. గేట్ నంబర్లు 2, 3లను 0.4 మీటర్ల ఎత్తులో తెరిచి నీటి విడుదల కొనసాగిస్తున్నారు.