Bandi Bhagirath: బండి భగీరథ్‌కు ఊరట.. ఫోక్సో కేసులో బెయిల్ మంజూరు చేసిన కోర్టు!

Bandi Bhagirath: కేంద్ర మంత్రి, బీజేపీ సీనియర్ నాయకుడు బండి సంజయ్ కుమారుడు బండి భగీరథ్‌కు న్యాయస్థానంలో ఊరట లభించింది. గత నెల రోజులుగా రిమాండ్‌లో ఉన్న ఆయనకు మల్కాజ్‌గిరి కోర్టు శనివారం బెయిల్ మంజూరు చేసింది.

ఇటీవల నమోదైన ఒక వివాదాస్పద కేసులో బండి భగీరథ్‌పై పోలీసులు ఫోక్సో (POCSO) చట్టం కింద కేసు నమోదు చేసి అరెస్ట్ చేసిన సంగతి తెలిసిందే. కోర్టు రిమాండ్ విధించడంతో ఆయన గత నెల రోజులుగా జైల్లోనే శిక్ష అనుభవిస్తున్నారు. ఈ నేపథ్యంలో భగీరథ్ తరపు న్యాయవాదులు మల్కాజ్‌గిరి కోర్టులో బెయిల్ పిటిషన్ దాఖలు చేశారు.

ఈ బెయిల్ పిటిషన్‌పై శనివారం కోర్టులో సుదీర్ఘంగా వాదనలు జరిగాయి. భగీరథ్ తరపు న్యాయవాదులు తమ వాదనలను వినిపిస్తూ బెయిల్ ఇవ్వాల్సిందిగా కోరారు. ఇరుపక్షాల వాదనలను విన్న గౌరవ న్యాయస్థానం.. కొన్ని నిబంధనలతో కూడిన బెయిల్‌ను మంజూరు చేస్తూ తీర్పునిచ్చింది. కోర్టు నుంచి బెయిల్ ఆర్డర్ రావడంతో, కాగితపు ప్రక్రియ ముగిసిన అనంతరం బండి భగీరథ్ జైలు నుంచి విడుదల కానున్నారు.