Jobs: హైదరాబాద్ ప్రసార భారతిలో ఉద్యోగాలు.. ఎవరు అర్హులు? ఎలా అప్లై చేసుకోవాలంటే

Jobs: ప్రభుత్వ రంగంలో పని చేయాలనుకునే వారికి మంచి అవకాశం వచ్చింది. ప్రసార్ భారతి ఆధ్వర్యంలో నడిచే దూరదర్శన్ కేంద్రం, హైదరాబాద్‌లో ఒప్పంద ప్రాతిపదికన పలు ఉద్యోగాలను భర్తీ చేయడానికి నోటిఫికేషన్ విడుదలైంది. మీడియా, వీడియో ప్రొడక్షన్ రంగంలో ఆసక్తి ఉన్నవారు ఈ అవకాశాన్ని వినియోగించుకోవచ్చు.

ఏ పోస్టులకు నోటిఫికేషన్ విడుదలైంది?

హైదరాబాద్‌లోని దూరదర్శన్ కేంద్రం వివిధ సృజనాత్మక విభాగాలకు సంబంధించిన పోస్టులను భర్తీ చేయనుంది. ఇందులో వీడియో అసిస్టెంట్, రిసోర్స్ పర్సన్, పోస్ట్ ప్రొడక్షన్ అసిస్టెంట్ వంటి కీలక స్థానాలు ఉన్నాయి. ఈ పోస్టులు టెలివిజన్ ప్రోగ్రామ్ తయారీకి సంబంధించి ఉండటంతో, ఈ రంగంలో ఆసక్తి ఉన్న అభ్యర్థులకు ఇది మంచి అవకాశంగా చెప్పొచ్చు.

అర్హతలు ఎలా ఉండాలి?

ఈ ఉద్యోగాలకు దరఖాస్తు చేసుకునే వారు కనీసం ఇంటర్మీడియట్ లేదా డిగ్రీ పూర్తి చేసి ఉండాలి. అదనంగా టీవీ ప్రొడక్షన్, మాస్ కమ్యూనికేషన్, జర్నలిజం, వీడియో ఎడిటింగ్ లేదా వీడియోగ్రఫీ వంటి రంగాల్లో డిప్లొమా ఉంటే మరింత ప్రయోజనం ఉంటుంది. అలాగే సంబంధిత పని అనుభవం కూడా ఉండాలి. అభ్యర్థుల వయస్సు 21 నుంచి 35 సంవత్సరాల మధ్య ఉండాలి.

ఎంపిక ప్రక్రియ ఎలా ఉంటుంది?

దరఖాస్తు చేసిన అభ్యర్థులను స్కిల్ టెస్ట్, రాత పరీక్ష లేదా పర్సనాలిటీ టెస్ట్ ద్వారా ఎంపిక చేస్తారు. అంటే కేవలం విద్యార్హతలతో పాటు ప్రాక్టికల్ నైపుణ్యాలను కూడా పరీక్షిస్తారు. మీడియా రంగంలో పని చేయగల సామర్థ్యాన్ని బట్టి ఫైనల్ సెలక్షన్ ఉంటుంది.

జీతం, అసైన్‌మెంట్ వివరాలు

ఈ ఉద్యోగాలు ఫిక్స్‌డ్ సాలరీ విధానంలో కాకుండా అసైన్‌మెంట్ ఆధారంగా ఉంటాయి. ప్రతి అసైన్‌మెంట్‌కు సుమారు రూ. 3000 నుంచి రూ. 5000 వరకు చెల్లింపు ఉంటుంది. ఏడాదిలో దాదాపు 84 అసైన్‌మెంట్లు ఉంటాయి. అంటే వారానికి సగటున 7 అసైన్‌మెంట్లు చేసే అవకాశం ఉంటుంది. క్రమంగా పనిచేస్తే మంచి ఆదాయం సంపాదించే అవకాశం ఉంది.

దరఖాస్తు విధానం, చివరి తేదీ

అర్హతలు ఉన్న అభ్యర్థులు తమ దరఖాస్తులను ఈమెయిల్ ద్వారా పంపించవచ్చు లేదా పోస్టు ద్వారా కూడా సమర్పించవచ్చు. అప్లికేషన్ ఫామ్‌ను డౌన్‌లోడ్ చేసుకుని పూర్తిగా నింపి పంపాలి. దరఖాస్తులు పంపించాల్సిన చివరి తేదీ మే 29, 2026. పోస్టల్ అడ్రస్ హెడ్ ఆఫ్ ప్రోగ్రామ్స్‌, దూర‌ద‌ర్శ‌న్ కేంద్రం, రామాంత‌పూర్‌, హైద‌రాబాద్‌. – 500013. పూర్తి వివ‌రాల కోసం ఈ వెబ్‌సైట్‌ను సంద‌ర్శించండి.