Danam Nagender: దానం నాగేందర్‌కు సుప్రీంకోర్టులో ఎదురుదెబ్బ.. పిటిషన్‌ డిస్మిస్‌!

Danam Nagender: బీఆర్ఎస్ పార్టీ తరఫున గెలిచి అనంతర కాలంలో కాంగ్రెస్ పార్టీలో చేరిన ఖైరతాబాద్ ఎమ్మెల్యే దానం నాగేందర్‌కు సుప్రీంకోర్టులో చుక్కెదురైంది. ఆయన దాఖలు చేసిన పిటిషన్‌ను సుప్రీంకోర్టు తోసిపుచ్చింది. ఈ కేసుకు సంబంధించి గతంలో హైకోర్టు ఇచ్చిన తీర్పును సుప్రీంకోర్టు ధర్మాసనం పూర్తిగా సమర్థించింది.

పార్టీ ఫిరాయింపులు మరియు అనర్హత వేటు అంశాలకు సంబంధించి గతంలో హైకోర్టు ఇచ్చిన తీర్పును సవాల్ చేస్తూ దానం నాగేందర్ సుప్రీంకోర్టును ఆశ్రయించారు. అయితే ఈ పిటిషన్‌పై విచారణ జరిపిన సర్వోన్నత న్యాయస్థానం, ఆయన వాదనలతో ఏకీభవించలేదు. హైకోర్టు ఇచ్చిన తీర్పులో ఎలాంటి జోక్యం చేసుకోలేమని స్పష్టం చేసిన సుప్రీంకోర్టు, దానం నాగేందర్ వేసిన పిటిషన్‌ను డిస్మిస్ చేస్తున్నట్లు ప్రకటించింది. ఈ తీర్పుతో రాజకీయ వర్గాల్లో ప్రస్తుతం తీవ్ర చర్చనీయాంశమైంది.