Bhatti Vikramarka: ఉద్యోగులకు రూ.కోటి ఉచిత బీమా.. దేశంలోనే తొలిసారిగా చారిత్రాత్మక నిర్ణయం

Bhatti Vikramarka: దేశంలోనే ఎక్కడా లేనివిధంగా ప్రభుత్వ ఉద్యోగులపై ఎలాంటి ఆర్థిక భారం పడకుండా రూ.కోటి బీమా పథకాన్ని అమలు చేయనున్నట్లు రాష్ట్ర ప్రభుత్వం ప్రకటించింది. డిప్యూటీ సీఎం భట్టి విక్రమార్క ఈ వివరాలను వెల్లడించారు. ఈ బీమా పథకం ద్వారా రాష్ట్రవ్యాప్తంగా మొత్తం 12,91,056 మంది ఉద్యోగులు, పెన్షనర్లు ప్రయోజనం పొందనున్నారు.

ఈ పథకం పరిధిలోకి 5,18,293 మంది రెగ్యులర్ ఉద్యోగులు వస్తారు. కేవలం రెగ్యులర్ ఉద్యోగులకే కాకుండా 5,00,158 మంది కాంట్రాక్ట్, ఔట్‌సోర్సింగ్ మరియు తాత్కాలిక సిబ్బందికి కూడా ఈ బీమా వర్తింపజేస్తున్నారు. అలాగే 2,72,600 మంది పెన్షనర్లు మరియు కుటుంబ పెన్షనర్లకు కూడా ఈ బీమా సౌకర్యం లభిస్తుంది.

ఉద్యోగుల సంక్షేమం కోసం ప్రభుత్వం పూర్తిగా రూపాయి భారం పడకుండా ఈ భారీ బీమా పథకాన్ని అమలు చేయడం చారిత్రాత్మక నిర్ణయంగా నిలిచింది.