Kishan Reddy: కేంద్ర ప్రభుత్వ ఉద్యోగులకు 'మల్టీ బెనిఫిట్' పథకం.. రూ. 1.5 కోట్ల బీమా, తక్కువ వడ్డీకే రుణాలు..!

Kishan Reddy: కేంద్ర ప్రభుత్వ ఉద్యోగుల ఆర్థిక భద్రత మరియు సంక్షేమం కోసం కేంద్ర ప్రభుత్వం సరికొత్త జీవిత బీమా మరియు సమగ్ర బ్యాంకింగ్ పథకాన్ని ప్రారంభించిందని కేంద్ర మంత్రి జి. కిషన్ రెడ్డి తెలిపారు. ఈ మేరకు ఆయన ఒక పత్రికా ప్రకటన విడుదల చేస్తూ.. ఉద్యోగుల పట్ల ప్రత్యేక శ్రద్ధ కనబరిచిన ప్రధాని నరేంద్ర మోదీ మరియు కేంద్ర ఆర్థిక మంత్రి నిర్మలా సీతారామన్‌లకు ధన్యవాదాలు తెలిపారు.

ఉద్యోగుల కోసం 'వన్ స్టాప్ సొల్యూషన్':

ఈ పథకం ద్వారా బ్యాంకింగ్, ఇన్సూరెన్స్ మరియు లోన్ సదుపాయాలను ఒకే చోట అందించడం విశేషం. ఉద్యోగుల ఆర్థిక సమస్యల పరిష్కారానికి ఇదొక గొప్ప వేదిక అని ఆయన పేర్కొన్నారు.

పథకం ద్వారా కలిగే ప్రధాన ప్రయోజనాలు:

భారీ బీమా కవరేజ్:

వ్యక్తిగత ప్రమాద బీమా కింద రూ. 1.5 కోట్లు వరకు కవరేజ్.

విమాన ప్రమాదాల్లో మరణిస్తే రూ. 2 కోట్లు వరకు బీమా.

శాశ్వత లేదా పాక్షిక వైకల్యానికి రూ. 1.5 కోట్లు వరకు భద్రత.

రూ. 20 లక్షల టర్మ్ లైఫ్ ఇన్సూరెన్స్ (టాప్-అప్ సదుపాయంతో).

బ్యాంకింగ్ సదుపాయాలు:

జీరో-బ్యాలెన్స్ శాలరీ అకౌంట్.

ఉచితంగా RTGS, NEFT మరియు UPI లావాదేవీలు.

డెబిట్ మరియు క్రెడిట్ కార్డులపై అదనపు ప్రయోజనాలు.

రుణాలపై రాయితీలు:

చాలా తక్కువ వడ్డీ రేట్లకే హోమ్ లోన్, ఎడ్యుకేషన్ లోన్, వెహికల్ మరియు పర్సనల్ లోన్లు.

లోన్ ప్రాసెసింగ్ ఫీజులు మరియు లాకర్ అద్దెల్లో ప్రత్యేక రాయితీలు.

ఆరోగ్య భద్రత: ఉద్యోగి కుటుంబం మొత్తానికి సమగ్ర ఆరోగ్య బీమా (Comprehensive Health Insurance) వర్తించనుంది.

కేంద్ర ప్రభుత్వ ఉద్యోగుల భద్రతకు పెద్దపీట వేస్తూ, వారి కుటుంబాల్లో ఆర్థిక స్థిరత్వం నింపేందుకు ఈ పథకం ఎంతగానో దోహదపడుతుందని కిషన్ రెడ్డి ఆకాంక్షించారు.