Renigunta: రేణిగుంట పోలీసుల నిజాయితీ.. ప్రయాణికుడి బ్యాగు అప్పగింత

రేణిగుంట: రేణిగుంట రైల్వే స్టేషన్ సమీపంలో ఓ ప్రయాణికుడు పొరపాటున మర్చిపోయిన బ్యాగును రేణిగుంట పోలీసులు స్వాధీనం చేసుకుని, అందులోని విలువైన వస్తువులను భద్రంగా యజమానికి అప్పగించారు.

బ్యాగులో ఒక ఐఫోన్, రెండు వన్‌ప్లస్ మొబైల్ ఫోన్లతో పాటు ఇతర వ్యక్తిగత వస్తువులు ఉన్నట్లు పోలీసులు గుర్తించారు. వెంటనే బ్యాగు యజమానిని గుర్తించి, పూర్తి ధృవీకరణ ప్రక్రియ అనంతరం బ్యాగుతో పాటు అందులోని మూడు మొబైల్ ఫోన్లను సురక్షితంగా అప్పగించారు.

ఈ సందర్భంగా తన విలువైన వస్తువులను నిజాయితీగా తిరిగి అందించిన రేణిగుంట పోలీసుల అప్రమత్తత, సత్వర స్పందన, సేవా దృక్పథానికి బాధితుడు హృదయపూర్వక కృతజ్ఞతలు తెలిపారు. ప్రజలకు సేవ చేయడమే తమ ప్రధాన లక్ష్యమని పోలీసులు పేర్కొన్నారు.