Srikalahasti: వైభవంగా శ్రీ గురుదక్షిణామూర్తి స్వామివారి విశేష అభిషేకాలు!

Srikalahasti: గురువారం సందర్భంగా శ్రీకాళహస్తీశ్వరస్వామి వారి దేవస్థానంలో శ్రీ గురుదక్షిణామూర్తి స్వామివారికి విశేష అభిషేకాలు, అర్చనలు, అలంకరణలు, మహామంగళహారతులు వైభవంగా నిర్వహించారు.

వేద పండితుల వేదఘోష, మంత్రోచ్ఛారణల నడుమ పాలు, పెరుగు, తేనె, కొబ్బరి నీరు, గంధం తదితర పవిత్ర ద్రవ్యాలతో స్వామివారికి అభిషేకాలు నిర్వహించారు. అనంతరం పుష్పాలతో స్వామివారిని సుందరంగా అలంకరించి విశేష పూజలు నిర్వహించి మహామంగళహారతి సమర్పించారు.

ఈ ఆధ్యాత్మిక కార్యక్రమంలో అధిక సంఖ్యలో భక్తులు పాల్గొని శ్రీ గురుదక్షిణామూర్తి స్వామివారిని దర్శించుకుని ప్రత్యేక పూజలు నిర్వహించారు. అనంతరం దేవస్థానం అందించిన తీర్థప్రసాదాలను భక్తులు భక్తిశ్రద్ధలతో స్వీకరించారు.