Tirupati: రాష్ట్ర స్థాయి టెన్నిస్ పోటీలకు తిరుచానూరు క్రీడాకారుడు యశ్వంత్ ఎంపిక!

Tirupati: 70వ జాతీయ స్థాయి క్రీడా పోటీలను పురస్కరించుకుని ఆంధ్రప్రదేశ్ ప్రభుత్వం, పాఠశాల క్రీడల సమాఖ్య (SGF) ఆధ్వర్యంలో నిర్వహించిన జిల్లా స్థాయి టెన్నిస్ పోటీలలో తిరుచానూరుకు చెందిన క్రీడాకారుడు మోటపల్లి యశ్వంత్ అద్భుత ప్రతిభ కనబరిచారు. జిల్లా వ్యాప్తంగా పలువురు క్రీడాకారులు పాల్గొన్న ఈ పోటీలలో యశ్వంత్ తన అత్యుత్తమ ఆటతీరుతో ప్రత్యర్థులపై పైచేయి సాధించి మొదటి స్థానంలో నిలిచారు. ఈ ఘనతతో త్వరలో జరగనున్న రాష్ట్ర స్థాయి టెన్నిస్ పోటీలలో ప్రాతినిధ్యం వహించేందుకు యశ్వంత్ ఎంపికయ్యారు. జిల్లా స్థాయిలో ప్రథమ స్థానం సాధించి రాష్ట్ర స్థాయికి అర్హత సాధించిన యశ్వంత్‌ను క్రీడా సమాఖ్య ప్రతినిధులు, జిల్లా పరిషత్ ఉన్నత పాఠశాల ప్రధానోపాధ్యాయులు మురళి, యాజమాన్యం, యశ్వంత్ క్రీడా కోచ్ కిరణ్ మరియు ప్రముఖులు ప్రత్యేకంగా అభినందించారు. రాష్ట్ర స్థాయి పోటీలలోనూ విజయం సాధించి, జాతీయ స్థాయి పోటీలకు అర్హత సాధించాలని వారు ఆకాంక్షించారు.