News Analysis: మహిళా ఎమ్మెల్యేల పట్ల పోలీసుల దమనకాండ.. ప్రభుత్వ తీరుపై బీఆర్‌ఎస్‌ ఆగ్రహం

News Analysis: తెలంగాణ అసెంబ్లీ సమావేశాల నేపథ్యంలో జరుగుతున్న పరిణామాలు, రాజకీయ ఉద్రిక్తతలపై హెచ్‌ఎంటివి డిబేట్‌లో బీఆర్‌ఎస్‌ సీనియర్ నేత నిఖిల్ రావు తీవ్ర ఆరోపణలు గుప్పించారు. ప్రజా సమస్యలపై ప్రభుత్వాన్ని నిలదీస్తుంటే పోలీసులను అడ్డుపెట్టి అణచివేయాలని చూస్తున్నారని మండిపడ్డారు.

ఈ సందర్భంగా ఆయన మాట్లాడుతూ.. అసెంబ్లీకి వస్తున్న మహిళా ఎమ్మెల్యేల పట్ల పోలీసులు దురుసుగా ప్రవర్తించారని, చీరలు లాగుతూ దమనకాండకు పాల్పడ్డారని ఆగ్రహం వ్యక్తం చేశారు. అసలు హోంమంత్రిగా ఉన్న రేవంత్ రెడ్డి దీనికి ఏం సమాధానం చెబుతారని నిలదీశారు. అంతేకాకుండా, కాంగ్రెస్ ఎమ్మెల్యేలు ఏకంగా కేసీఆర్ చావును కోరుతున్నారని, గుండాలను వెంటేసుకుని ఫాంహౌస్ ముట్టడికి యత్నించారని తీవ్రస్థాయిలో ధ్వజమెత్తారు. ప్రత్యామ్నాయ సమస్యలపై చర్చించకుండా వ్యక్తిగత విమర్శలు, డైవర్షన్ రాజకీయాలతో ప్రభుత్వం కాలయాపన చేస్తోందని విమర్శించారు.