News Analysis: హైకోర్టు వ్యాఖ్యలు రేవంత్ రెడ్డికి చెంపపెట్టు: బిఆర్ఎస్ నేత సుమిత్ర ఆనంద్!

News Analysis: హైడ్రా (HYDRA) కమిషనర్ ఏవీ రంగనాథ్‌పై తెలంగాణ హైకోర్టు తీవ్ర ఆగ్రహం వ్యక్తం చేయడం, బాధ్యతల నుంచి తొలగించాలని ప్రభుత్వానికి ఉత్తర్వులు జారీ చేయడం అధికారి రంగనాథ్‌కు మాత్రమే కాకుండా ముఖ్యమంత్రి రేవంత్ రెడ్డికి తీవ్ర చెంపపెట్టు అని బీఆర్‌ఎస్ సీనియర్ నాయకురాలు సుమిత్ర ఆనంద్ వ్యాఖ్యానించారు. హెచ్‌ఎమ్‌టీవీ న్యూస్ అనాలసిస్ కార్యక్రమంలో పాల్గొన్న ఆమె, రేవంత్ రెడ్డి ప్రభుత్వం అనుసరిస్తున్న తీరుపై తీవ్రస్థాయిలో ధ్వజమెత్తారు.

సుమారు 62 నుండి 63 సార్లు కోర్టు ఆదేశాలను ఉల్లంఘించి, ధిక్కరణకు పాల్పడటం అనేది ఒక అధికారి సొంత నిర్ణయం కాదని.. రేవంత్ రెడ్డి ప్రభుత్వ వెనుకుండి నడిపించడం వల్లే ఇలా జరిగిందని ఆమె ఆరోపించారు. దేశ చరిత్రలోనే ఒక అధికారి ఇన్నిసార్లు కోర్టు దిక్కరణకు పాల్పడడం అరుదని పేర్కొన్నారు.