News Analysis: ప్రభుత్వ భూముల పరిరక్షణే హైడ్రా ముఖ్య లక్ష్యం: కాంగ్రెస్ నేత కృష్ణ తేజ!

News Analysis: తెలంగాణలో ప్రభుత్వ భూములు, చెరువులు, నాలాలు మరియు పార్కులను ఆక్రమణదారుల నుంచి పరిరక్షించడమే 'హైడ్రా' (HYDRA) యొక్క ప్రాథమిక లక్ష్యమని కాంగ్రెస్ అధికార ప్రతినిధి కృష్ణ తేజ స్పష్టం చేశారు. హెచ్‌ఎమ్‌టీవీ (hmtv) 'న్యూస్ అనాలిసిస్' చర్చా కార్యక్రమంలో పాల్గొన్న ఆయన, హైడ్రాపై ప్రతిపక్షాలు చేస్తున్న ఆరోపణలను తీవ్రంగా ఖండించారు.

జిఓ 99 ద్వారా హైడ్రా ఏర్పడిన నాటి నుండి ఇప్పటి వరకు హైదరాబాద్ నగర పరిధిలో సుమారు 3,350 ఎకరాల ప్రభుత్వ భూమిని రక్షించి స్వాధీనం చేసుకున్నామని కృష్ణ తేజ వెల్లడించారు. ఈ భూముల ప్రస్తుత మార్కెట్ విలువ సుమారు ₹1.50 లక్షల కోట్లు ఉంటుందని తెలిపారు. ప్రభుత్వ ఆస్తులను కాపాడి ప్రజా ఖజానాకు జమ చేయడమే తప్ప హైడ్రాకు ఎలాంటి వ్యక్తిగత అజెండా లేదని ఆయన స్పష్టం చేశారు.