Big Debate: రాజకీయ వ్యవస్థ ప్రక్షాళన కావలసిందే: hmtv డిబేట్‌లో మాజీ ఐఏఎస్ ప్రభాకర్ రెడ్డి

Big Debate: భారత రాజకీయాల్లో నేర చరిత్ర కలిగిన నాయకుల సంఖ్య రోజురోజుకీ పెరిగిపోతుండటం ప్రజాస్వామ్యానికే పెను సవాలుగా మారిందని రిటైర్డ్ ఐఏఎస్ అధికారి ప్రభాకర్ రెడ్డి ఆందోళన వ్యక్తం చేశారు. హెచ్‌ఎమ్‌టీవీ (hmtv) నిర్వహించిన ‘BIG Debate’ కార్యక్రమంలో పాల్గొన్న ఆయన, రాజకీయ వ్యవస్థలో నేరస్థుల ప్రవేశం, దానివల్ల పాలనా వ్యవస్థపై పడే ప్రభావం గురించి స్పష్టమైన విశ్లేషణ అందించారు.

గతంతో పోలిస్తే ప్రస్తుతం చట్టసభల్లోకి అడుగుపెడుతున్న ప్రజాప్రతినిధులలో క్రిమినల్ రికార్డు ఉన్నవారి శాతం గణనీయంగా పెరిగిందని ప్రభాకర్ రెడ్డి గుర్తుచేశారు. నేర చరిత్ర ఉన్న నాయకులు అధికారంలోకి వచ్చాక తమపై ఉన్న కేసులను నిరోధించడానికి మరియు చట్టపరమైన విచారణల నుంచి తప్పించుకోవడానికి ప్రభుత్వ యంత్రాంగాన్ని ప్రభావితం చేస్తున్నారని వ్యాఖ్యానించారు.