Big Debate: త్రిషపై వ్యాఖ్యలతో రాజకీయ రగడ.. ఉదయనిధి కామెంట్స్‌పై హెచ్‌ఎమ్‌టీవీ బిగ్ డిబేట్!

Big Debate: తమిళనాడు రాజకీయాల్లో కావేరీ జలాల సమస్యపై ఏర్పాటు చేసిన నిరసన సభలో డీఎంకే నాయకుడు ఉదయనిధి స్టాలిన్, ప్రముఖ నటి త్రిషను ఉద్దేశించి చేసినట్లుగా భావిస్తున్న ద్విఅర్థ (డబుల్ మీనింగ్) వ్యాఖ్యలు తీవ్ర దుమారం రేపుతున్నాయి. ముఖ్యమంత్రి, టీవీకే అధినేత విజయ్‌ను విమర్శించే క్రమంలో సభలో కొందరు సడన్‌గా "త్రిష, త్రిష" అని నినాదాలు చేయడం, దానికి స్పందిస్తూ ఉదయనిధి చేసిన కామెంట్లు వివాదాస్పదంగా మారాయి. మహిళలను కించపరిచేలా, రాజకీయ లబ్ధి కోసం వ్యక్తుల వ్యక్తిగత జీవితాలను లాగడంపై తమిళనాడుతో పాటు రెండు తెలుగు రాష్ట్రాల్లోనూ తీవ్ర నిరసన వ్యక్తమవుతోంది. ఈ అంశంపై హెచ్‌ఎమ్‌టీవీ (HMTV) నిర్వహించిన 'బిగ్ డిబేట్' లో పలువురు ప్యానలిస్టులు రాజకీయ నాయకుల భాషా తీరుపై ఆందోళన వ్యక్తం చేశారు.

ఉదయనిధి చేసిన వ్యాఖ్యలు మహిళల ఆత్మగౌరవాన్ని దెబ్బతీసేలా ఉన్నాయని టీవీకే (TVK), బీజేపీ సహా ఇతర పక్షాలు మండిపడ్డాయి. జాతీయ మహిళా కమిషన్‌కు ఫిర్యాదులు చేయగా, ఈ వ్యవహారంలో పోలీసులు కేసు నమోదు చేసి ఉదయనిధిని అరెస్టు కూడా చేశారు.

రాజకీయాల్లో మహిళలను డీమోటివేట్ చేసేలా వారి దుస్తులు, మేకప్, వ్యక్తిగత జీవితాలపై అసభ్యకరంగా మాట్లాడటం ఒక అలవాటుగా మారిపోయిందని డిబేట్‌లో ఆందోళన వ్యక్తం చేశారు. గతంలో జయలలిత, రోజా, హోంమంత్రి అనిత మొదలుకొని నేటివరకు మహిళా నాయకులకు ఎదురవుతున్న అవమానాలు రాజకీయ దిగజారుడుతనానికి నిదర్శనమని ప్యానలిస్టులు విశ్లేషించారు.