News Analysis: నిన్న ప్రశంసలు.. నేడు విమర్శలు! మోదీపై రేవంత్ రెడ్డి టార్గెట్ ఎందుకు?: బిఆర్‌ఎస్ నేత విజయ్ కుమార్

News Analysis: తెలంగాణ ముఖ్యమంత్రి ఏ. రేవంత్ రెడ్డి విదేశీ పర్యటనకు పొలిటికల్ క్లియరెన్స్ నిరాకరణ వివాదంపై హెచ్‌ఎమ్‌టీవీ నిర్వహించిన న్యూస్ అనాలిసిస్ కార్యక్రమంలో బిఆర్‌ఎస్ నాయకుడు విజయ్ కుమార్ పాల్గొని కీలక విమర్శలు చేశారు.

విదేశీ పర్యటనలకు వెళ్లేముందు విదేశాంగ మంత్రిత్వ శాఖ (MEA), డిపార్ట్‌మెంట్ ఆఫ్ ఎకనామిక్ అఫైర్స్, కేంద్ర విద్యా లేదా పరిశ్రమల శాఖల నుండి తగిన అనుమతులు తీసుకోవడం నిబంధన అని విజయ్ కుమార్ గుర్తుచేశారు. ఏ సంస్థలతో ఎంఓయూలు చేసుకుంటున్నారు, ఎవరు ఆహ్వాన లేఖలు ఇచ్చారనే వివరాలు ముందే సమర్పించకుండా, విదేశాంగ అనుమతి రాకముందే టికెట్లు బుక్ చేసుకుని పర్యటనకు సిద్ధమవడంపై అనుమానాలు వ్యక్తం చేశారు.