News Analysis: రెండు చరణాలే ఎందుకు? hmtv డిబేట్‌లో కాంగ్రెస్ నాయకుడి క్లారిటీ

News Analysis: జాతీయ గేయం ‘వందేమాతరం’ను కాంగ్రెస్ పార్టీలో కేవలం మొదటి రెండు చరణాలకు మాత్రమే పరిమితం చేయడంపై వస్తున్న విమర్శలకు కాంగ్రెస్ నాయకుడు కృష్ణతేజ స్పష్టత ఇచ్చారు. హెచ్‌ఎమ్‌టీవీ (hmtv) నిర్వహించిన ప్రత్యేక న్యూస్ ఎనాలసిస్ కార్యక్రమంలో పాల్గొన్న ఆయన, పార్టీ నిర్ణయానికి గల చారిత్రక, సామాజిక కారణాలను వెల్లడించారు.

1937లోనే రవీంద్రనాథ్ ఠాగూర్, మహాత్మా గాంధీ, జవహర్‌లాల్ నెహ్రూ వంటి మహానాయకుల సమక్షంలో కాంగ్రెస్ వర్కింగ్ కమిటీ (CWC) మొదటి రెండు శ్లోకాలను (చరణాలను) పాడుకోవాలని తీర్మానించిందని కృష్ణతేజ గుర్తుచేశారు. వందేమాతరం యొక్క ప్రాథమిక లక్ష్యం దేశంలో ఐక్యత, సమగ్రత మరియు అన్ని వర్గాల ప్రజలను సంఘటితం చేయడం.

గీతంలోని తదుపరి చరణాల్లో ఉన్న కొన్ని పదాలు కొన్ని మతాలు, ఆదివాసీలు లేదా ప్రాంతీయ వర్గాల విశ్వాసాలకు కాంట్రాడిక్టరీగా (భిన్నంగా) అనిపించడం వల్ల, ఏ ఒక్క వర్గం కూడా ఈ జాతీయ గేయానికి దూరం కాకూడదనే ఉద్దేశంతోనే ఈ నిర్ణయం తీసుకున్నారని తెలిపారు.