Daggubati Purandeswari: ఇసుక మాఫియాను, అవినీతిని బయటపెట్టింది మేమే

Daggubati Purandeswari: గత ప్రభుత్వ హయాంలో జరిగిన ఇసుక మాఫియా మరియు వివిధ అవినీతి అక్రమాలను రుజువులతో సహా ధైర్యంగా బయటపెట్టింది భారతీయ జనతా పార్టీనే అని బీజేపీ నేత, కేంద్ర మాజీ మంత్రి దగ్గుబాటి పురందేశ్వరి స్పష్టం చేశారు. hmtv ప్రత్యేక ఇంటర్వ్యూలో ఆమె రాజకీయ పరిణామాలు, పార్టీ బలోపేతంపై పలు కీలక విషయాలను పంచుకున్నారు.

గతంలో ఎవరూ భయపడి మాట్లాడటానికి ముందుకు రాని సందర్భంలోనూ తాము అధ్యక్షురాలిగా ఉండి రుజువులతో సహా అక్రమాలను ప్రజల ముందుంచామని పురందేశ్వరి గుర్తుచేశారు. రాంపుల్‌కు వెళ్లి లారీలతో సహా ఇసుక మాఫియా బాగోటాన్ని బయటపెట్టిన విషయాన్ని ప్రస్తావించారు. గ్రామాలకు రావాల్సిన నిధులను డైవర్ట్ చేయడంపై సర్పంచులతో కలిసి సమర్థవంతంగా ఆందోళనలు చేపట్టామని తెలిపారు. ప్రజా సమస్యలపై పోరాడుతూ బీజేపీ ప్రజల పక్షాన నిలబడే పార్టీగా గుర్తింపు తెచ్చుకుందని ఆమె పేర్కొన్నారు.