Vijayawada: ఇంద్రకీలాద్రిపై కనకదుర్గమ్మను దర్శించుకున్న ఎంపీ కేశినేని చిన్ని
Vijayawada: ఇంద్రకీలాద్రిపై మూలా నక్షత్రం సందర్భంగా సరస్వతీదేవి అలంకారంలో ఉన్న దుర్గమ్మను ఎంపీ కేశినేని చిన్ని కుటుంబ సమేతంగా దర్శించుకున్నారు.
Vijayawada: ఇంద్రకీలాద్రిపై కనకదుర్గమ్మను దర్శించుకున్న ఎంపీ కేశినేని చిన్ని
Vijayawada: విజయవాడ పార్లమెంట్ సభ్యులు కేశినేని శివనాథ్ కుటుంబ సభ్యులతో కలిసి ఇంద్రకీలాద్రిపై కొలువైన శ్రీ కనకదుర్గమ్మవారిని శుక్రవారం దర్శించుకున్నారు. మూలా నక్షత్రం సందర్భంగా సరస్వతీదేవి అలంకారంలో దర్శనమిస్తున్న అమ్మవారిని దర్శించుకున్నారు. అమ్మవారి ఆశీస్సులతో ప్రజలందరికీ సుఖసంతోషాలు, ఆయురారోగ్యాలు, విద్యా విజ్ఞానం కలగాలని ఆకాంక్షించారు.
దర్శనం అనంతరం ఎంపీ శివనాథ్ మాట్లాడుతూ దసరా శరన్నవరాత్రి ఉత్సవాల సందర్భంగా ఇంద్రకీలాద్రిపై చేపట్టిన ఏర్పాట్లు మంచి ఫలితాలు ఇస్తున్నాయి అన్నారు. భక్తులకు ఎక్కడైనా ఇబ్బంది ఎదురైతే గుర్తించి, వెంటనే పరిష్కరించేందుకు అవసరమైన సాంకేతిక పరిజ్ఞానం అందుబాటులో ఉందని పేర్కొన్నారు. ఆధునిక సాంకేతికతను వినియోగించడం ద్వారా భక్తుల రద్దీని పర్యవేక్షించడంతోపాటు, సమస్యలు తలెత్తినప్పుడు వేగంగా స్పందించే అవకాశం ఉంటుందని తెలిపారు.
భక్తులకు సౌకర్యవంతమైన దర్శనం కల్పించేందుకు వివిధ శాఖలు సమన్వయంతో పనిచేస్తున్నాయని తెలిపారు. రద్దీ నియంత్రణ, భద్రత, క్యూలైన్ల నిర్వహణ వంటి అంశాలపై నిరంతర పర్యవేక్షణ ఉంటుందని వెల్లడించారు. భక్తుల సౌకర్యం, భద్రతకు ప్రాధాన్యమిస్తూ ఉత్సవాల నిర్వహణ కొనసాగుతుందన్నారు.
మూలా నక్షత్రం సందర్భంగా సరస్వతీదేవి అలంకారంలో ఉన్న అమ్మవారిని దర్శించుకునేందుకు భక్తులు పెద్ద సంఖ్యలో ఇంద్రకీలాద్రికి తరలివస్తుండటంతో ఆలయ పరిసరాలు భక్తి వాతావరణంతో సందడిగా మారాయి.
