Vijayawada: అక్కన్న మాదన్న గుహల్లో కిరాతార్జున శాసన స్తంభం పరిశీలన!
Vijayawada: విజయవాడ ఇంద్రకీలాద్రి దిగువన ఉన్న అక్కన్న మాదన్న గుహలలో చైర్మన్ బొర్రా రాధాకృష్ణ, ఈవో శీనా నాయక్ ఆదివారం పరమేశ్వరుణ్ణి దర్శించుకుని కిరాతార్జున శాసన స్తంభంను పరిశీలించారు.
Vijayawada: అక్కన్న మాదన్న గుహల్లో కిరాతార్జున శాసన స్తంభం పరిశీలన!
విజయవాడ: ఇంద్రకీలాద్రి దిగువన కనకదుర్గ నగర్‌లో ఉన్న చారిత్రాత్మక అక్కన్న మాదన్న గుహలలో కొలువుదీరిన పరమేశ్వరుణ్ణి దేవస్థాన ట్రస్ట్ బోర్డు చైర్మన్ బొర్రా రాధాకృష్ణ (గాంధీ), కార్యనిర్వహణాధికారి వి.కె. శీనా నాయక్ ఆదివారం ఉదయం భక్తిశ్రద్ధలతో దర్శించుకున్నారు.
అనంతరం చైర్మన్, ఈవో ఇంద్రకీలాద్రి ప్రాచీన చరిత్రను వివరించే అరుదైన 'కిరాతార్జున శాసన స్తంభం'ను క్షుణ్ణంగా పరిశీలించారు. గుహల లోపల ఉన్న చారిత్రక కుడ్య చిత్రాలను, శిల్ప సంపదను ఆసక్తిగా సందర్శించారు. ఈ సందర్భంగా ఇంద్రకీలాద్రిపై ఉన్న ప్రాచీన 'పాశుపతాలయం'కు, ఈ కిరాతార్జున శాసన స్తంభానికి గల చారిత్రక నేపథ్యం మరియు పురాణ సంబంధం గురించి వారు అడిగి తెలుసుకున్నారు.
ఇంద్రకీలాద్రి క్షేత్ర చరిత్రలో అత్యంత కీలకమైన పాశుపతాలయం విశిష్టతను, ఈ చారిత్రక ఆధారాల వివరాలను దేవాదాయ శాఖ ఉన్నత యంత్రాంగం దృష్టికి తీసుకెళ్లి వివరిస్తామని చైర్మన్ బొర్రా రాధాకృష్ణ (గాంధీ), ఈవో వి.కె. శీనా నాయక్ తెలిపారు. ఈ కార్యక్రమంలో దేవస్థాన అధికారులు, సిబ్బంది పాల్గొన్నారు.