Vijayawada: ఇంద్రకీలాద్రిపై వైభవంగా శ్రీ సుబ్రహ్మణ్యస్వామి వార్ల కళ్యాణం!
Vijayawada: పవిత్ర షష్ఠి పర్వదినాన్ని పురస్కరించుకుని విజయవాడ ఇంద్రకీలాద్రిపై ఆదివారం శ్రీ వల్లీ దేవసేన సమేత సుబ్రహ్మణ్యేశ్వర స్వామి వార్ల కళ్యాణం అత్యంత వైభవంగా జరిగింది.
Vijayawada: ఇంద్రకీలాద్రిపై వైభవంగా శ్రీ సుబ్రహ్మణ్యస్వామి వార్ల కళ్యాణం!
విజయవాడ: పవిత్ర షష్ఠి పర్వదినాన్ని పురస్కరించుకుని ఇంద్రకీలాద్రిపై కొలువుదీరిన శ్రీ వల్లీ దేవసేన సమేత సుబ్రహ్మణ్యేశ్వర స్వామి వార్ల కళ్యాణం ఆదివారం ఉదయం అత్యంత వైభవంగా జరిగింది. ఆలయ స్థానాచార్యుల ఆధ్వర్యంలో వేద పండితుల మంత్రోచ్ఛారణలు, మంగళవాయిద్యాల నడుమ ఈ దివ్య కళ్యాణ మహోత్సవాన్ని శాస్త్రోక్తంగా నిర్వహించారు.
షష్ఠి కళ్యాణ విశిష్టత:
తారకాసుర సంహారం కోసం జన్మించిన కారణజన్ముడు శ్రీ సుబ్రహ్మణ్యేశ్వర స్వామి వారిని ఆరాధించడం వల్ల శక్తియుక్తులు సమకూరడంతో పాటు రాహుకేతు దోషాలు తొలగిపోతాయని పురాణోక్తి. విశిష్టమైన ఇంద్రకీలాద్రి క్షేత్రంలో షష్ఠి నాడు స్వామివారి కళ్యాణం జరిపించినా, వీక్షించినా వివాహ ఆటంకాలు తొలగిపోయి సత్సంతాన ప్రాప్తి మరియు వంశాభివృద్ధి కలుగుతాయని భక్తుల ప్రగాఢ విశ్వాసం.
ఈ విశేష సేవలో విచ్చేసిన భక్తులు అధిక సంఖ్యలో పాల్గొని పూజలు నిర్వహించి, శ్రీ వల్లీ దేవసేన సమేత సుబ్రహ్మణ్యస్వామి వార్ల కళ్యాణ మహోత్సవాన్ని కనులారా తిలకించి తీర్థప్రసాదాలు స్వీకరించారు.