Madhurawada: మధురవాడలో ఘనంగా బతుకమ్మ సంబరాలు వెల్లివిరిసిన తెలుగు సంస్కృతి
Madhurawada: విశాఖ మధురవాడలో దసరా శరన్నవరాత్రుల సందర్భంగా బతుకమ్మ సంబరాలు ఘనంగా జరిగాయి. మహిళలు పూలతో బతుకమ్మలను పేర్చి సంప్రదాయ నృత్యాలతో అలరించారు.
Madhurawada: మధురవాడలో ఘనంగా బతుకమ్మ సంబరాలు వెల్లివిరిసిన తెలుగు సంస్కృతి
మధురవాడ: మధురవాడలో తెలుగు సంస్కృతి, సంప్రదాయాలకు ప్రతీకగా బతుకమ్మ సంబరాలు ఘనంగా జరిగాయి. దసరా శరన్నవరాత్రి ఉత్సవాల్లో భాగంగా ధోబీ కాలనీలో బంగారు అశోక్‌కుమార్‌, ఝాన్సీ దంపతుల స్వగృహంలో నిర్వహించిన బతుకమ్మ వేడుకలు ప్రత్యేక ఆకర్షణగా నిలిచాయి.
ప్రకృతిని ఆరాధిస్తూ.. పూలను పూజిస్తూ.. మహిళల ఐక్యతను చాటే బతుకమ్మ పండుగను సంప్రదాయబద్ధంగా జరుపుకున్నారు. రంగురంగుల పూలతో బతుకమ్మలను అందంగా పేర్చి, సంప్రదాయ వస్త్రధారణలో మహిళలు వాటి చుట్టూ చేరి ఆటపాటలతో సందడి చేశారు. జానపద గీతాలు, కోలాటాలు, లయబద్ధమైన నృత్యాలతో ధోబీ కాలనీ సాంస్కృతిక శోభను సంతరించుకుంది.
తరతరాలుగా వస్తున్న ఆచారాలను గుర్తుచేస్తూ.. మహిళల మధ్య అనుబంధాన్ని పెంపొందిస్తూ.. ప్రకృతితో మనిషికి ఉన్న అనుబంధాన్ని చాటేలా ఈ వేడుకలు సాగాయి. దసరా శరన్నవరాత్రుల ఆధ్యాత్మిక వాతావరణానికి బతుకమ్మ జానపద కళావైభవం తోడవడంతో మధురవాడలో పండుగ సందడి నెలకొంది.
