Madhurawada: మధురవాడ 10వ వార్డు టీడీపీ కార్పొరేటర్ అభ్యర్థిగా గరే జ్యోతి నామినేషన్!

Madhurawada: 10వ వార్డు నుంచి తెలుగుదేశం పార్టీ (టీడీపీ) తరఫున కార్పొరేటర్ అభ్యర్థిగా గరే జ్యోతి నామినేషన్ దాఖలు చేశారు. ఈ సందర్భంగా ఆమె మాట్లాడుతూ, తన భర్త గురునాథ్ పార్టీ అభివృద్ధికి నిరంతరం కృషి చేస్తున్నారని తెలిపారు.

తనకు అవకాశం కల్పించిన ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కల్యాణ్, నారా లోకేష్, భీమిలి ఎమ్మెల్యే గంటా శ్రీనివాసరావులకు ఆమె ప్రత్యేక కృతజ్ఞతలు తెలియజేశారు.

10వ వార్డు అభివృద్ధికి కృషి చేయడంతో పాటు, ప్రజల సమస్యలను తెలుసుకుని వాటి పరిష్కారానికి కృషి చేస్తానని గరే జ్యోతి పేర్కొన్నారు. వార్డులో మౌలిక సదుపాయాల అభివృద్ధికి తన వంతు కృషి చేస్తానని తెలిపారు. వార్డు ప్రజలందరూ తనకు మద్దతు తెలిపి, కార్పొరేటర్‌గా సేవ చేసే అవకాశం కల్పించాలని ఆమె విజ్ఞప్తి చేశారు.