Visakhapatnam: విశాఖ జూలో సందడి: కొత్తగా 120కి పైగా జంతువులు, పక్షుల జననం!

విశాఖ: విశాఖ ఇందిరా గాంధీ జూలాజికల్ పార్క్‌లో చేపడుతున్న సంరక్షణ, పునరుత్పత్తి కార్యక్రమాలు విశేష ఫలితాలనిస్తున్నాయి. గత కొన్నివారాల్లో జూలో వివిధ జాతులకు చెందిన 120కి పైగా పక్షులు,జంతు పిల్లలు జన్మించాయని జూ క్యూరేటర్ జి.మంగమ్మ ఒక ప్రకటనలో తెలిపారు.​జన్మించిన కొత్త సభ్యుల వివరాలు.. ​బైసన్ 1, ​స్టార్ తాబేళ్లు40, ​అడవి పందులు35, ​చుక్కల జింకలు20, ​ఎర్ర అడవి కోళ్లు (రెడ్ జంగిల్ ఫౌల్)10,

​సాంబర్ జింకలు5,​భారతీయ నెమళ్లు4, ​చారల హైనా పిల్లలు3, ​భారతీయ ముళ్లపందులు2, ​బూడిద రంగు పెలికాన్లు2,​మార్మోసెట్స్2, ​బ్లూ-గోల్డ్ మకావ్ 1,​శాస్త్రీయ పద్ధతులు ప్రత్యేక సంరక్షణ..జూ పశువైద్య బృందం కృత్రిమ పొదిగింపు విధానం ద్వారా రెడ్ జంగిల్ ఫౌల్ గుడ్లను 21రోజుల పాటు పర్యవేక్షించి10 పిల్లలను,బ్లూ-గోల్డ్ మకావ్ గుడ్డును ఇంక్యుబేటర్‌లో నిర్దిష్ట ఉష్ణోగ్రత వద్ద ఉంచి విజయవంతంగా పొదిగించారు.ప్రపంచంలోనే అతిచిన్న కోతి జాతి అయిన మార్మోసెట్ తో ,ఐ.యు.సి.న్ రెడ్ లిస్ట్‌లో ఉన్న చారల హైనా కూడా పిల్లలకు జన్మనిచ్చాయి.​ప్రస్తుతం ఈకొత్త జీవులన్నీ వెటర్నరీ బృందం పర్యవేక్షణలో ఆరోగ్యంగాఉన్నాయని, సందర్శకులు వీటిని జూలో చూడవచ్చని క్యూరేటర్ జి.మంగమ్మ వెల్లడించారు.