Madhurawada: స్వతంత్ర నగర్‌లో పోతిన జాహ్నవి విస్తృత ఎన్నికల ప్రచారం!

మధురవాడ: జీవీఎంసీ 7వ వార్డు వైఎస్ఆర్సీపీ కార్పొరేటర్ అభ్యర్థి, విద్యావంతురాలైన పోతిన జాహ్నవి ఎన్నికల ప్రచారంలో దూసుకెళ్తున్నారు. గురువారం స్వతంత్ర నగర్ పరిధిలో ఇంటింటికి తిరిగి విస్తృత ప్రచారం నిర్వహించారు. ప్రతి గడపకు వెళ్లి ప్రజలను ఆప్యాయంగా పలకరిస్తూ, వారి సమస్యలను స్వయంగా అడిగి తెలుసుకున్నారు. ప్రజలు చెబుతున్న వాటర్, రోడ్లు, డ్రైనేజీ సమస్యలను ఓపిగ్గా విని నోట్ చేసుకున్నారు.

ప్రజా సమస్యలు అర్థం చేసుకునే సత్తా జాహ్నవికే ఉంది:

స్వతంత్ర నగర్ వాసులు మాట్లాడుతూ.. ప్రజా సమస్యలు అర్థం చేసుకుని వాటి పరిష్కారానికి కృషి చేయగల సత్తా విద్యావంతురాలైన పోతిన జాహ్నవికి మాత్రమే ఉన్నదని కొనియాడారు. చదువుకున్న యువనేత కాబట్టి వార్డు సమస్యలను చక్కగా అర్థం చేసుకుని, అధికారులతో మాట్లాడి పరిష్కరించగలరని విశ్వాసం వ్యక్తం చేశారు.

విద్యావంతురాలికి అవకాశం ఇస్తే వార్డు అభివృద్ధి:

విద్యావంతురాలైన పోతిన జాహ్నవికి అవకాశం ఇస్తే 7వ వార్డు అన్ని రంగాల్లో అభివృద్ధి చెందుతుంది అని స్థానిక మహిళలు, యువత అభిప్రాయపడుతున్నారు. ఇలాంటి విద్యావంతురాలైన అభ్యర్థి తమ వార్డుకు రావడం అదృష్టమని చెబుతున్నారు.

ఈ సందర్భంగా పోతిన జాహ్నవి మాట్లాడుతూ.. స్వతంత్ర నగర్‌లో ఉన్న సమస్యలన్నీ తన దృష్టికి వచ్చాయని, నాన్న అనుభవం, సహకారంతో వాటన్నింటినీ తప్పకుండా పరిష్కరిస్తానని హామీ ఇచ్చారు. జగన్మోహన్ రెడ్డి గారు తనపై పెట్టుకున్న నమ్మకాన్ని నిలబెట్టుకుంటానని చెప్పారు.

ఫ్యాన్ గుర్తుకు ఓటు వేసి తనను, మేయర్ అభ్యర్థి వరుదు కళ్యాణి ని అత్యధిక మెజార్టీతో గెలిపించాలని కోరారు. ఈ కార్యక్రమంలో వార్డు నాయకులు, వైసీపీ కార్యకర్తలు, మహిళలు పెద్ద ఎత్తున పాల్గొన్నారు.