Makavarapalem: వజ్రగడలో ఘనంగా ‘పోషణ్ మాసం 2026’ వేడుకలు

మాకవరపాలెం: అనకాపల్లి జిల్లా మాకవరపాలెం మండలం వజ్రగడ గ్రామంలోని అంగన్‌వాడీ కేంద్రం ఆధ్వర్యంలో ‘పోషణ్ మాసం - 2026’ కార్యక్రమాన్ని ఘనంగా నిర్వహించారు. ఐసీడీఎస్ సూపర్వైజర్ రమణమ్మ పర్యవేక్షణలో జరిగిన ఈ కార్యక్రమంలో గర్భిణులు, బాలింతలు మరియు చిన్నారులకు పౌష్టికాహారం ప్రాముఖ్యతపై అవగాహన కల్పించారు. స్థానిక అంగన్‌వాడీ కార్యకర్తలు, మహిళలు స్వయంగా తయారుచేసిన విభిన్న సంప్రదాయ పోషక వంటకాలను ఇక్కడ ప్రత్యేకంగా ప్రదర్శించారు.

​ రకరకాల పిండివంటల ప్రదర్శన, పిల్లలు, గర్భిణులు, అంగన్‌వాడీ కార్యకర్తలు,

పిల్లలు, బాలింతలు మరియు గర్భిణుల్లో పోషకాహార లోపాన్ని నివారించడమే లక్ష్యంగా ‘మన అంగన్‌వాడీ - మన బాధ్యత’ నినాదంతో వజ్రగడలో పోషణ్ మాసం కార్యక్రమాన్ని ఏర్పాటు చేశారు.

​ఈ సందర్భంగా చిరుధాన్యాలు, ఆకుకూరలు, మొలకెత్తిన గింజలు, పప్పుదినుసులతో తయారుచేసిన పలు రకాల సంప్రదాయ పిండివంటలు, ఆహార పదార్థాలను ఆకర్షణీయంగా ప్రదర్శించారు. CDPO రమణమ్మ మాట్లాడుతూ — తక్కువ ఖర్చుతో ఇంట్లోనే లభించే పోషక విలువలున్న ఆహారాన్ని రోజూ తీసుకోవడం వల్ల రక్తహీనతను అరికట్టవచ్చని, తల్లీబిడ్డలు ఆరోగ్యంగా ఉంటారని సూచించారు. అంగన్‌వాడీ సేవల ద్వారా ప్రభుత్వం అందిస్తున్న పోషకాహారాన్ని ప్రతి ఒక్కరూ సద్వినియోగం చేసుకోవాలని పిలుపునిచ్చారు.

​ఈ ప్రదర్శనలో ప్రదర్శించిన వైవిధ్యభరితమైన పోషకాహార వంటకాలు పలువురిని ఆకట్టుకున్నాయి. ఈ కార్యక్రమంలో బీజేపీ పార్టీ జిల్లా సెక్రటరీ సీరంరెడ్డి సూర్య నారాయణ , మాకవరపాలెం మండల ప్రెసిడెంట్ అప్పలనాయుడు, వెంకటేష్, అంగన్‌వాడీ కార్యకర్తలు, ఆయాలు, గ్రామస్తులు మరియు పెద్ద సంఖ్యలో మహిళలు పాల్గొన్నారు.