Anakapalli: అనకాపల్లి 82వ వార్డులో ఎమ్మెల్యే కొణతాల పర్యటన!

Anakapalli: అనకాపల్లి పట్టణంలోని 82వ వార్డులో జరుగుతున్న అభివృద్ధి పనులను అనకాపల్లి ఎమ్మెల్యే కొణతాల రామకృష్ణ పరిశీలించారు. వార్డులో పర్యటించిన ఆయన స్థానికంగా చేపడుతున్న వివిధ అభివృద్ధి కార్యక్రమాల పురోగతిని పరిశీలించి, పనుల వివరాలను అధికారులను అడిగి తెలుసుకున్నారు.

అభివృద్ధి పనులు నాణ్యతతో, నిర్ణీత గడువులోగా పూర్తి చేయాలని సంబంధిత అధికారులకు ఎమ్మెల్యే కొణతాల రామకృష్ణ సూచించారు. ప్రజలకు అవసరమైన మౌలిక వసతుల కల్పనకు ప్రభుత్వం ప్రాధాన్యత ఇస్తోందని ఆయన పేర్కొన్నారు.

ఈ సందర్భంగా స్థానిక ప్రజలతో మాట్లాడిన ఎమ్మెల్యే కొణతాల రామకృష్ణ వారి సమస్యలను అడిగి తెలుసుకుని, వాటి పరిష్కారానికి చర్యలు తీసుకుంటామని హామీ ఇచ్చారు.