Paderu: అల్లూరి జిల్లాలో 87.71% పెన్షన్ల పంపిణీ పూర్తి: కలెక్టర్ నిశాంతి!

పాడేరు, సెప్టెంబర్ 1: జిల్లా కలెక్టర్ శ్రీమతి టి. నిశాంతి, ఐఏఎస్ మంగళవారం పాడేరు మండలం మోడకొండమ్మ కాలనీలో పర్యటించి లబ్ధిదారులకు సామాజిక భద్రతా పెన్షన్లను పంపిణీ చేశారు. ఈ సందర్భంగా లబ్ధిదారులతో మాట్లాడి పెన్షన్ల పంపిణీ, సంక్షేమ పథకాల అమలుపై వివరాలు తెలుసుకున్నారు. అర్హులైన ప్రతి లబ్ధిదారునికి పెన్షన్ సకాలంలో అందేలా చర్యలు తీసుకోవాలని అధికారులను ఆదేశించారు.

జిల్లాలో ఇప్పటివరకు 87.71 శాతం సామాజిక భద్రతా పెన్షన్ల పంపిణీ పూర్తయిందని అధికారులు తెలిపారు. మిగిలిన పెన్షన్లను కూడా సాయంత్రానికి పంపిణీ చేసి 100 శాతం పూర్తి చేస్తామని వెల్లడించారు. ఈ కార్యక్రమంలో పాడేరు తహసీల్దార్ శ్రీ బి. శ్రీనివాసరావు, ఎంపీడీఓ శ్రీ తేజరత్నం, పీడీ డీఆర్‌డీఏ శ్రీ జి. జయకృష్ణ, ఇతర అధికారులు పాల్గొన్నారు.