Anakapalli: అనకాపల్లి జిల్లా రెబాక సర్పంచ్ రేసులో పోలవరపు వీరాస్వామి!

Anakapalli: అనకాపల్లి జిల్లా, అనకాపల్లి మండలం రెబాక పంచాయతీ సర్పంచ్ అభ్యర్థిత్వంపై టీడీపీ సీనియర్ నాయకుడు పోలవరపు వీరాస్వామి పేరు చర్చకు వస్తోంది. గతంలో సర్పంచ్‌గా పనిచేసిన అనుభవం, గ్రామస్థులతో సన్నిహిత సంబంధాలు, కార్యకర్తలను కలుపుకొని వెళ్లే స్వభావం తనకు అనుకూల అంశాలని ఆయన వర్గీయులు భావిస్తున్నారు.

టీడీపీలో సీనియర్ నాయకుడిగా గుర్తింపు పొందిన వీరాస్వామి, గతంలో నిర్వహించిన సర్పంచ్ బాధ్యతల అనుభవంతో మరోసారి అవకాశం కోరుతున్నారు. గ్రామస్థుల మద్దతు తనకు ఉందనే ఆశాభావంతో పార్టీ అధిష్ఠానం తన అభ్యర్థిత్వాన్ని పరిశీలించి, సర్పంచ్‌గా పోటీ చేసేందుకు అవకాశం కల్పించాలని విజ్ఞప్తి చేస్తున్నట్లు తెలుస్తోంది.

అయితే, రెబాక పంచాయతీ సర్పంచ్ అభ్యర్థిగా పార్టీ అధిష్ఠానం ఎవరికి అవకాశం కల్పిస్తుందన్నది వేచి చూడాలి.