Visakhapatnam: జన్ శిక్షణ్ సంస్థ ఆధ్వర్యంలో ధ్రువపత్రాల పంపిణీ

విశాఖపట్నం: జన్ శిక్షణ్ సంస్థ (JSS), విశాఖపట్నం ఆధ్వర్యంలో మంగళవారం జ్ఞానాపురంలో ఎక్స్-ట్రైనీస్ మీట్ మరియు ధ్రువపత్రాల పంపిణీ కార్యక్రమం నిర్వహించారు. అసిస్టెంట్ డ్రెస్ మేకింగ్ కోర్సును విజయవంతంగా పూర్తి చేసిన 40 మంది శిక్షణార్థులకు బీజేపీ విశాఖపట్నం పార్లమెంటరీ నియోజకవర్గ అధ్యక్షులు శ్రీ ఎం.ఎం.ఎన్. పరశురామ రాజు ముఖ్య అతిథిగా హాజరై ధ్రువపత్రాలను అందజేశారు.

ఈ సందర్భంగా శిక్షణార్థులకు గౌరవనీయ ప్రధానమంత్రి శ్రీ నరేంద్ర మోదీ గారి మార్గదర్శకత్వంలో వికసిత్ భారత్ 2047 లక్ష్య సాధనలో భాగంగా కేంద్ర ప్రభుత్వం అమలు చేస్తున్న వివిధ నైపుణ్యాభివృద్ధి, ఉపాధి, స్వయం ఉపాధి మరియు పారిశ్రామిక ప్రోత్సాహక పథకాలపై సంక్షిప్తంగా అవగాహన కల్పించారు. ముఖ్యంగా ప్రధానమంత్రి ముద్ర యోజన (PMMY) వంటి పథకాలను సద్వినియోగం చేసుకొని స్వయం ఉపాధి యూనిట్లను ప్రారంభించడంతో పాటు, ఔత్సాహికులుగా ఎదగాలని శిక్షణార్థులకు సూచించారు.

భారత ప్రభుత్వం – నైపుణ్యాభివృద్ధి మరియు పారిశ్రామికవేత్తల మంత్రిత్వ శాఖ (MSDE) ఆధ్వర్యంలో జారీ చేసిన ధ్రువపత్రాలను అందుకోవడం పట్ల శిక్షణార్థులు సంతోషం వ్యక్తం చేశారు. ఈ ధ్రువపత్రాలు తమకు ఉపాధి, స్వయం ఉపాధి అవకాశాల్లో మరింత విశ్వాసాన్ని కల్పిస్తాయని వారు తెలిపారు.

కార్యక్రమంలో శ్రీ సురేష్, బీజేపీ సౌత్ నియోజకవర్గ ఇన్‌చార్జ్; శ్రీ ప్రసాద్, బీజేపీ ట్రెజరర్; శ్రీ వి. సంజీవరావు, ఉపాధ్యక్షులు; శ్రీ మూర్తి, మండల అధ్యక్షులు; శ్రీమతి గిరిజ, ఇన్‌చార్జ్ తదితరులు పాల్గొన్నారు. శ్రీ శ్రీనివాసరావు వుగ్గిన, ప్రోగ్రామ్ ఆఫీసర్, JSS విశాఖపట్నం కార్యక్రమాన్ని విజయవంతంగా నిర్వహించారు