Kurupam: ​రోడ్డు భద్రత మరియు మాదకద్రవ్యాల నివారణపై పోలీసుల అవగాహన సదస్సు

కురుపాం: స్థానిక ప్రజల్లో సామాజిక అంశాలపై చైతన్యం తీసుకురావాలనే ఉద్దేశంతో పార్వతీపురం మన్యం జిల్లా పోలీసులు కురుపాం మండలం సింగుపురం, కాకిలీ జంక్షన్ నీలకంఠాపురం గ్రామంలో ఎస్ ఐ పి నారాయణరావు, ఎ. నీలకంఠారావు అవగాహన కార్యక్రమాన్ని నిర్వహించారు. ఈ కార్యక్రమంలో రోడ్డు భద్రత మరియు మాదకద్రవ్యాల వినియోగానికి వ్యతిరేకంగా ప్రజలకు అవగాహన కల్పించారు.

ట్రాఫిక్ నియమాలను పాటించడం, హెల్మెట్ ధరించడం మరియు అతివేగాన్ని నివారించడం వంటి అంశాలపై పోలీసులు స్థానికులకు వివరించారు. ప్రమాదాల నివారణకు ప్రతి ఒక్కరూ బాధ్యతగా ఉండాలని కోరారు. సంకల్పం - చైతన్యం - అభ్యుదయం 2.0" అనే నినాదంతో మాదకద్రవ్యాల వల్ల కలిగే అనర్థాలను వివరించే బ్యానర్‌ను పోలీసులు ప్రదర్శించారు. మత్తు పదార్థాలకు దూరంగా ఉండి ఆరోగ్యకరమైన సమాజాన్ని నిర్మించాలని పిలుపునిచ్చారు.

ఈ కార్యక్రమంలో యువత మరియు స్థానిక గ్రామస్థులు పెద్ద సంఖ్యలో పాల్గొన్నారు. పోలీసు అధికారి ప్రజలను ఉద్దేశించి ప్రసంగిస్తూ, చట్టాలపై అవగాహన కలిగి ఉండాలని సూచించారు.

​ఈ కార్యక్రమం ద్వారా సమాజంలో పెరుగుతున్న నేరాలను, ప్రమాదాలను అరికట్టవచ్చని పోలీసులు ఆశాభావం వ్యక్తం చేశారు.