Parvathipuram: శంబర పోలమాంబ ఆలయానికి రూ. కోటి నిధులు

పార్వతీపురం: గిరిజన ప్రాంతాల ఆధ్యాత్మిక వైభవానికి మరియు సంప్రదాయాలకు తమ ప్రభుత్వం పెద్దపీట వేస్తుందని రాష్ట్ర మంత్రివర్యులు శ్రీమతి గుమ్మిడి సంధ్యారాణి గారు పేర్కొన్నారు. మక్కువ మండలం, శంబర గ్రామంలోని ప్రసిద్ధ శ్రీశ్రీ శంబర పోలమాంబ వనం గుడి మరమ్మత్తులు మరియు ఇతర అభివృద్ధి పనుల నిమిత్తం రూ. 1 కోటి నిధులను మంజూరు చేస్తున్నట్లు ఆమె ప్రకటించారు.

​ఈ సందర్భంగా ఏర్పాటు చేసిన కార్యక్రమంలో మంత్రి మాట్లాడుతూ పలు కీలక వ్యాఖ్యలు చేశారు, ​ప్రణాళికాబద్ధంగా అభివృద్ధి పనులు ​మంజూరైన కోటి రూపాయల నిధులతో ఆలయ ప్రాంగణంలో చేపట్టాల్సిన అభివృద్ధి పనులపై సమగ్ర నివేదికను సిద్ధం చేయాలని అధికారులను ఆదేశించారు. భక్తులకు ఎటువంటి ఇబ్బందులు కలగకుండా మెరుగైన వసతులు కల్పించడమే కాకుండా, పనుల్లో నాణ్యత పాటిస్తూ త్వరితగతిన పూర్తి చేయాలని సూచించారు.

గిరిజనుల ఆచార వ్యవహారాలు, వారి ఆధ్యాత్మిక విశ్వాసాలు రాష్ట్ర సంస్కృతిలో భాగం. అటువంటి పవిత్రమైన ఆలయాలను అభివృద్ధి చేయడం ద్వారా ఈ ప్రాంతానికి మరింత ఆధ్యాత్మిక శోభ చేకూరుతుంది. భక్తులకు అవసరమైన అన్ని సౌకర్యాలను కల్పించేందుకు ప్రభుత్వం కట్టుబడి ఉందన్నారు.

​గ్రామస్తుల హర్షం

​తమ ఆరాధ్య దైవమైన పోలమాంబ అమ్మవారి ఆలయ అభివృద్ధికి భారీగా నిధులు కేటాయించడంపై శంబర గ్రామ ప్రజలు, ఆలయ కమిటీ సభ్యులు హర్షం వ్యక్తం చేశారు. ఈ సందర్భంగా వారు మంత్రికి ప్రత్యేక కృతజ్ఞతలు తెలియజేశారు. ఈ కార్యక్రమంలో స్థానిక నాయకులు, ప్రభుత్వ అధికారులు మరియు పెద్ద సంఖ్యలో భక్తులు పాల్గొన్నారు.