Parvathipuram: ప్రపంచ పర్యావరణ దినోత్సవం సందర్భంగా సైకిల్ ర్యాలీ

పార్వతీపురం: జాతీయ తెలుగు దేశం పార్టీ అధ్యక్షులు, ఆంధ్రప్రదేశ్ ముఖ్యమంత్రి శ్రీ నారా చంద్రబాబు నాయుడు గారి ఆదేశాలు, పార్వతీపురం నియోజకవర్గ శాసనసభ్యులు శ్రీ బోనెల విజయచంద్ర గారి సూచనల మేరకు ప్రపంచ పర్యావరణ దినోత్సవాన్ని పురస్కరించుకుని పార్వతీపురం పట్టణ పరిధిలో సైకిల్ ర్యాలీ ఘనంగా నిర్వహించబడింది.

పర్యావరణ పరిరక్షణ, కాలుష్య నియంత్రణ, గ్రీన్ ఎనర్జీ వినియోగం, పర్యావరణ సమతుల్యత వంటి అంశాలపై ప్రజల్లో అవగాహన కల్పించడమే ఈ ర్యాలీ ప్రధాన ఉద్దేశ్యం. ఉదయం 6 గంటలకు ఎన్టీఆర్ విగ్రహం వద్ద ప్రారంభమైన ఈ సైకిల్ ర్యాలీ వైకేఎం కాలనీ వరకు కొనసాగింది.

ఈ సందర్భంగా నాయకులు మాట్లాడుతూ ప్రకృతి పరిరక్షణ ప్రతి ఒక్కరి సామాజిక బాధ్యత అని, మొక్కలు నాటడం, ప్లాస్టిక్ వినియోగాన్ని తగ్గించడం, పరిశుభ్రమైన పరిసరాలను కాపాడుకోవడం ద్వారా భావితరాలకు ఆరోగ్యకరమైన వాతావరణాన్ని అందించవచ్చని పేర్కొన్నారు.

ఈ కార్యక్రమంలో తెలుగు దేశం పార్టీ నాయకులు, కార్యకర్తలు, యువజన విభాగం ప్రతినిధులు, మహిళా విభాగం సభ్యులు, పార్టీ అభిమానులు, స్థానిక సైక్లిస్టులు మరియు స్వచ్ఛందంగా పాల్గొన్న ప్రజలు ఉత్సాహంగా పాల్గొన్నారు. పర్యావరణ పరిరక్షణకు సంబంధించిన నినాదాలతో పట్టణ ప్రజల్లో చైతన్యం కల్పించారు.

ర్యాలీ అనంతరం పర్యావరణ పరిరక్షణ కోసం ప్రతి ఒక్కరూ తమ వంతు బాధ్యతను నిర్వర్తించాలని, హరిత ఆంధ్రప్రదేశ్ నిర్మాణానికి సహకరించాలని నాయకులు పిలుపునిచ్చారు. కార్యక్రమం విజయవంతంగా ముగిసింది.