Parvathipuram: ఇంధన పొదుపుకు కలెక్టర్ సరికొత్త బాట.. సైకిల్ సవారీ!

Parvathipuram: పర్యావరణ పరిరక్షణ, ఇంధన పొదుపుపై ప్రజల్లో అవగాహన కల్పించేందుకు పార్వతీపురం మన్యం జిల్లా కలెక్టర్ సరికొత్త ఆదర్శాన్ని చాటారు. ఇంధన పొదుపు కార్యక్రమంలో భాగంగా సోమవారం ఆయన తన బంగ్లా నుండి కలెక్టరేట్ వరకు సైకిల్‌పై ప్రయాణించి, అధికారుల్లో స్ఫూర్తిని నింపారు. ​కలెక్టరేట్‌లో నిర్వహించే పి.జి.ఆర్.ఎస్ కార్యక్రమానికి హాజరయ్యేందుకు కలెక్టర్ ఈ విధంగా సైకిల్‌పై రావడం అందరినీ ఆకట్టుకుంది.

పర్యావరణహిత జీవనశైలిని ప్రోత్సహించడంలో భాగంగా కలెక్టర్ స్వయంగా సైకిల్ తొక్కుతూ కార్యాలయానికి చేరుకున్నారు. అనంతరం కలెక్టరేట్ హాల్‌లో ఏర్పాటు చేసిన పి.జి.ఆర్.ఎస్ కార్యక్రమంలో పాల్గొని, అర్జీదారుల నుండి వినతులను స్వీకరించారు. ఈ సందర్బంగా కలెక్టర్ డా. ఎన్.ప్రభాకర రెడ్ది మాట్లాడుతూ పర్యావరణాన్ని కాపాడుకోవడం, ఇంధనాన్ని పొదుపు చేయడం మనందరి బాధ్యతని, ప్రతి ఒక్కరూ తమ దైనందిన జీవితంలో వీలైనంత వరకు కాలుష్య రహిత రవాణా మార్గాలను ఎంచుకోవాలని కలెక్టర్ పిలుపునిచ్చారు.