Parkal: పరకాల సాయినగర్‌లో అటుకుల బతుకమ్మ సంబరాలు!
Parkal: పరకాల పట్టణంలోని సాయినగర్ కాలనీలో అటుకుల బతుకమ్మ వేడుకలు ఘనంగా జరిగాయి. మహిళలు, చిన్నారులు తీరొక్క పూలతో బతుకమ్మలను పేర్చి ఆడిపాడారు.
Parkal: పరకాల సాయినగర్‌లో అటుకుల బతుకమ్మ సంబరాలు!
పరకాల: పట్టణంలోని సాయినగర్ కాలనీలో అటుకుల బతుకమ్మ వేడుకలు కన్నులపండువగా సాగాయి. తెలంగాణ ఆడబిడ్డల సంప్రదాయ పండుగ అయిన బతుకమ్మ వేడుకల్లో భాగంగా ఈరోజు జరిగిన అటుకుల బతుకమ్మ సంబురాల్లో కాలనీ మహిళలు, చిన్నారులు పెద్ద సంఖ్యలో పాల్గొన్నారు.
మహిళలు తెల్లవారుజాము నుండే తంగేడు, గునుగు, బంతి పూలతో రంగురంగుల బతుకమ్మలను అందంగా పేర్చారు. సాయంత్రం అందరూ కాలనీ సెంటర్లో ఒకచోట చేరి బతుకమ్మలను మధ్యలో పెట్టి చుట్టూ వలయంగా చేరారు.
"బతుకమ్మ బతుకమ్మ ఉయ్యాలో.. బంగారు బతుకమ్మ ఉయ్యాలో" అంటూ లయబద్ధంగా పాటలు పాడుతూ, చప్పట్లు కొడుతూ ఆడిపాడారు. చిన్నారులు సైతం కొత్త బట్టలు వేసుకొని ఉత్సాహంగా ఆటల్లో పాల్గొనడంతో కాలనీ మొత్తం పండుగ శోభను సంతరించుకుంది. చివరగా అటుకుల ప్రసాదాన్ని పంచుకుని వేడుకలను ముగించారు.
