Jangaon: జనగామ జిల్లాలో పీహెచ్సీ ఉప కేంద్రాల ఆకస్మిక తనిఖీ!
Jangaon: జనగామ జిల్లాలో పలు ఆరోగ్య ఉప కేంద్రాలను డీఎంహెచ్వో డాక్టర్ వాణిశ్రీ తనిఖీ చేశారు. గర్భిణుల నమోదు, టీకాల పంపిణీపై సిబ్బందికి కీలక ఆదేశాలు జారీ చేశారు.
Jangaon: జనగామ జిల్లాలో పీహెచ్సీ ఉప కేంద్రాల ఆకస్మిక తనిఖీ!
జనగామ: జనగామ జిల్లాలో పలు ఆరోగ్య కేంద్రాలను ఆకస్మికంగా తనిఖీ చేసిన జిల్లా వైద్య ఆరోగ్య శాఖాధికారి డాక్టర్ వాణిశ్రీ వనపర్తి. దేవరుప్పుల PHC పరిధిలోని చిన్నమడూరు, పెద్దమడూరు, సింగరాజుపల్లి ఆరోగ్య ఉప కేంద్రాలలో తనిఖీలు. మాతా శిశు సంక్షేమం, టీకాల పంపిణీ, ఎన్సిడి (NCD), టీబీ కార్యక్రమాల తీరుపై DMHO పరిశీలన.
ప్రతి గర్భిణీని 12 వారాలలోపు నమోదు చేయాలని సిబ్బందికి DMHO వాణిశ్రీ ఆదేశం. 30 ఏళ్లు దాటిన ప్రతి ఒక్కరికీ అసంక్రమిత వ్యాధుల నిర్ధారణ పరీక్షలు నిర్వహించాలని స్పష్టం చేసిన జిల్లా వైద్యాధికారి. 0–15 ఏళ్ల పిల్లలందరికీ సకాలంలో వ్యాధి నిరోధక టీకాలు అందించాలని వెల్లడి. గర్భాశయ ముఖద్వార క్యాన్సర్ (HPV) టీకాతో పాటు కాలానుగుణ వ్యాధులపై ప్రజల్లో అవగాహన పెంచాలని సూచన.
జనగామలోని ART సెంటర్ను సందర్శించి వైద్య సేవల తీరును పరిశీలించిన ఎయిడ్స్ ప్రోగ్రామ్ జాయింట్ డైరెక్టర్ డాక్టర్ అనురాధ. జనగామ ప్రభుత్వ జనరల్ ఆసుపత్రిలో వైభవంగా ప్రారంభమైన 41వ నేత్రదాన పక్షోత్సవాలు. నేత్రదానం ప్రాముఖ్యతపై ప్రజల్లో చైతన్యం తెచ్చి దృష్టి లోపం ఉన్నవారికి వెలుగులు నింపాలని వైద్యాధికారుల పిలుపు.