Mahabubabad: పాకాల వాగు వద్ద లైటింగ్ లేక భక్తుల ఇబ్బందులు!

Mahabubabad: మహబూబాబాద్ జిల్లాగార్ల మండలంలోని పాకాల వాగు వద్ద గణేష్ నిమజ్జనానికి అధికారులు ఏర్పాట్లు చేసినా, లైటింగ్ ఏర్పాట్లు చేయకపోవడంతో భక్తులు తీవ్ర ఇబ్బందులు పడుతున్నారు. సాయంత్రం 6 గంటలకే చీకటి అయిపోయి వాగు వద్ద ఏమీ కనిపించడం లేదు. వర్షంలో చీకట్లోనే భక్తులు నిమజ్జనం చేయాల్సి వస్తోంది. రెవెన్యూ, పోలీస్, మెడికల్ సిబ్బంది ఉన్నప్పటికీ కనీసం లైట్లు లేకపోవడంతో ప్రమాదాలు జరిగే అవకాశం ఉందని భక్తులు ఆవేదన వ్యక్తం చేస్తున్నారు.