Tanuku: జర్నలిస్టుల కోర్కెల దినోత్సవం.. సమస్యలు పరిష్కరించాలని డిమాండ్!

Tanuku: వర్కింగ్ జర్నలిస్టుల సమస్యలను వెంటనే పరిష్కరించి, సంక్షేమ చర్యలు చేపట్టాలని ఏపీయూడబ్ల్యూజే నాయకులు డిమాండ్ చేశారు. ఆంధ్రప్రదేశ్ యూనియన్ ఆఫ్ వర్కింగ్ జర్నలిస్ట్ ఆధ్వర్యంలో తణుకులో కోర్కెల దినోత్సవం నిర్వహించారు. ఈ సందర్భంగా తహసీల్దార్ కార్యాలయం సీనియర్ అసిస్టెంట్ ఎ.నారాయణకు పలు సమస్యలతో కూడిన వినతిపత్రాన్ని జర్నలిస్టులు అందజేశారు.

పెండింగ్ సమస్యలు పరిష్కరించి, రైల్వే రాయితీ పాసులు పునరుద్ధరించాలని డిమాండ్ చేశారు. జర్నలిస్టులకు 3 సెంట్ల స్థలం, ఆరోగ్య భద్రత కల్పించి, అర్హులైన జర్నలిస్టులకు అక్రిడేషన్ కార్డులు ఇవ్వాలని కోరారు. కార్యక్రమంలో యూనియన్ నాయకులు బెల్లంకొండ బుజ్జిబాబు, కొడమంచిలి కృష్ణ, పమ్మి ఏడుకొండలు తదితరులు పాల్గొన్నారు.