Bhimavaram: సౌత్ జోన్ షూటింగ్‌లో భీమవరం వాసి సయ్యద్ సుబాన్‌కు కాంస్యం!

భీమవరం: ఆగస్టు 31 నుండి సెప్టెంబర్ 8 వరకు కేరళ రాష్ట్రంలోని త్రివేండ్రంలో జరిగిన 17వ సౌత్ జోన్ షూటింగ్ ఛాంపియన్‌షిప్‌లో భీమవరానికి చెందిన ఛాంపియన్ స్పోర్ట్స్ అకాడమీ అధినేత సయ్యద్ సుబాన్ అత్యుత్తమ ప్రతిభ కనబరిచారు. ఆంధ్రప్రదేశ్ రాష్ట్రం తరఫున ప్రతినిధ్యం వహించిన ఆయన, 50 మీటర్ల రైఫిల్ షూటింగ్ విభాగంలో తీవ్ర పోటీని ఎదుర్కొని కాంస్య (బ్రాంజ్) మెడల్ కైవసం చేసుకున్నారు.

​ఈ విజయం ద్వారా సయ్యద్ సుబాన్ రాబోయే డిసెంబర్‌లో ఢిల్లీలో జరగనున్న ప్రతిష్టాత్మక నేషనల్ షూటింగ్ ఛాంపియన్‌షిప్‌కు అర్హత (ఎంపిక) సాధించారు. జాతీయ స్థాయి పోటీలకు ఎంపికవ్వడం పట్ల భీమవరంలోని క్రీడాభిమానులు, స్థానికులు హర్షం వ్యక్తం చేస్తూ ఆయనకు శుభాకాంక్షలు తెలిపారు. నేషనల్స్ లో కూడా బంగారు పతకం సాధించి రాష్ట్రానికి, భీమవరానికి మంచి పేరు తీసుకురావాలని ఆకాంక్షించారు.