Undi: చెడు వ్యసనాలకు దూరంగా ఉండాలి: ఆకివీడు సీఐ కాళీచరణ్!
Undi: ఉండి జడ్పీ ఉన్నత పాఠశాలలో డ్రగ్స్ దుష్ప్రభావాలు, పోక్సో చట్టంపై విద్యార్థులకు ఆకివీడు సీఐ కాళీచరణ్, ఎస్సై మల్లికార్జునరావు అవగాహన కల్పించారు.
Undi: చెడు వ్యసనాలకు దూరంగా ఉండాలి: ఆకివీడు సీఐ కాళీచరణ్!
ఉండి: విద్యార్థులు చెడు వ్యసనాలకు దూరంగా ఉంటూ, చదువుపై శ్రద్ధ చూపి తమ భవిష్యత్తుకు బంగారు బాటలు వేసుకోవాలని ఆకివీడు సీఐ కాళీచరణ్ సూచించారు. సోమవారం ఉండి జిల్లా పరిషత్ ఉన్నత పాఠశాలలో ఉండి ఎస్సై మల్లికార్జునరావుతో కలిసి విద్యార్థులకు అవగాహన సదస్సు నిర్వహించారు. ఈ సందర్భంగా సీఐ మాట్లాడుతూ.. మత్తు పదార్థాలు, డ్రగ్స్ దుర్వినియోగం వల్ల కలిగే తీవ్ర నష్టాలను, చెడు అలవాట్ల వల్ల జీవితాలు ఏ విధంగా నాశనం అవుతాయో విద్యార్థులకు వివరంగా తెలియజేశారు.
అలాగే పోక్సో (POCSO) చట్టం, బాలికల రక్షణ, భద్రతతో పాటు అత్యవసర పరిస్థితుల్లో ఎవరిని సంప్రదించాలి, పోలీసు సేవలను ఏ విధంగా ఉపయోగించుకోవాలి అనే అంశాలపై అవగాహన కల్పించారు. ప్రతి ఒక్కరూ క్రమశిక్షణతో చదువుకుని ఉన్నత శిఖరాలను అధిరోహించాలని ఆకాంక్షించారు. ఈ కార్యక్రమంలో పాఠశాల ప్రధానోపాధ్యాయురాలు రామలక్ష్మి, ఉపాధ్యాయులు, పాఠశాల సిబ్బంది మరియు పెద్ద సంఖ్యలో విద్యార్థులు పాల్గొన్నారు.
