Palakollu: పాలకొల్లు అభివృద్ధికి మరో రూ.50 కోట్లు మంజూరు మంత్రి నిమ్మల

Palakollu: పాలకొల్లు నియోజకవర్గంలో వివిధ అభివృద్ధి పనులకు ప్రభుత్వం మరో రూ.50 కోట్లు మంజూరు చేసినట్లు రాష్ట్ర మంత్రి నిమ్మల రామానాయుడు తెలిపారు. గత రెండున్నర సంవత్సరాల కాలంలో నియోజకవర్గంలో సుమారు రూ.1,245 కోట్లతో అభివృద్ధి పనులు చేపట్టినట్లు వెల్లడించారు.

నియోజకవర్గంలో అభివృద్ధి, సంక్షేమ కార్యక్రమాలను మరింత వేగవంతం చేస్తామని మంత్రి పేర్కొన్నారు. రాబోయే స్థానిక సంస్థల ఎన్నికల్లో అభివృద్ధికి పట్టం కట్టాలని ప్రజలకు పిలుపునిచ్చారు.

పనిచేసే నాయకులను ప్రోత్సహించాలని, స్థానిక ఎన్నికల్లో కూటమి అభ్యర్థులను ఏకగ్రీవం చేసి అభివృద్ధికి సహకరించాలని మంత్రి నిమ్మల రామానాయుడు కోరారు.