Tanuku: స్టెప్పింగ్ స్టోన్ స్కూల్‌పై ఏఐఎస్బీ తీవ్ర ఆరోపణలు

Tanuku: తణుకు మండలం తేతలిలో స్టెప్పింగ్ స్టోన్ సీబీఎస్ఈ పాఠశాల నిర్వహణపై పలు అనుమానాలు ఉన్నాయని ఏఐఎస్బీ నాయకులు ఆరోపించారు. ఒకే ప్రాంగణంలో వేర్వేరు సొసైటీల పేర్లతో బోర్డులు ఉండటం, పాఠశాల పేరు, ఫీజుల వివరాలు, రిజిస్ట్రేషన్, ఫైర్ సేఫ్టీ అనుమతులు, రెన్యువల్స్ తదితర అంశాలపై అధికారులు సమగ్రంగా తనిఖీ చేయాలని ఏఐఎస్బీ రాష్ట్ర ఉపాధ్యక్షుడు నల్లమిల్లి వంశీ కోరారు.

విద్యావాలి పాఠశాల నుంచి ఆర్టీఈ కింద ఉచిత సీట్లు పొందిన విద్యార్థులను స్టెప్పింగ్ స్టోన్‌లో చేర్పించే ప్రక్రియపై వారు అభ్యంతరం వ్యక్తం చేశారు. విద్యా సంవత్సరం మధ్యలో కొత్త పాఠశాలలో చేరడం వల్ల ఫీజుల భారం తల్లిదండ్రులపై పడకుండా చర్యలు తీసుకోవాలని డిమాండ్ చేశారు.

ప్రభుత్వ నిబంధనలకు విరుద్ధంగా పాఠశాల నిర్వహణ జరుగుతున్నట్లు తమకు అనుమానాలు ఉన్నాయని, విద్యాశాఖ అధికారులు పూర్తి స్థాయిలో విచారణ చేపట్టి వాస్తవాలను వెలుగులోకి తీసుకురావాలని కోరారు. ఈ ఆరోపణలపై పాఠశాల యాజమాన్యం వివరణ ఇవ్వాల్సి ఉంది.