Medak: మెదక్ జిల్లా తూప్రాన్ మున్సిపాలిటీ పరిధిలోని పెద్ద చెరువు కట్టపై సద్దుల బతుకమ్మ వేడుకలు అత్యంత వైభవంగా జరిగాయి. మహిళలు, చిన్నారులు పెద్ద సంఖ్యలో పాల్గొన్నారు.

Kanigiri: కనిగిరి మున్సిపాలిటీ 29వ వార్డు సీపీఎం అభ్యర్థి పి. నరేంద్రపై దాడి చేసి నామినేషన్ పత్రాలు లాక్కెళ్లారని ఆరోపిస్తూ సీపీఎం శ్రేణులు నిరసన ర్యాలీ చేపట్టాయి.

Palakurthi: మాజీ మంత్రి ఎర్రబెల్లి దయాకర్‌రావుతో డబుల్ బెడ్‌రూం ఇళ్ల స్థలాలపై బహిరంగ చర్చకు సిద్ధమైన బీజేపీ నాయకులను పాలకుర్తి పోలీసులు ముందస్తు అరెస్టు చేశారు.

AS Rao Nagar: డాక్టర్ ఏఎస్ రావునగర్ డివిజన్ మహేష్ నగర్‌లో సద్దుల బతుకమ్మ వేడుకలు ఘనంగా జరిగాయి. ముఖ్య అతిథిగా అడిషనల్ డీసీపీ వెంకటరమణ పాల్గొని విజేతలకు బహుమతులు అందజేశారు.

Khammam: ఖమ్మం మాజీ మంత్రి పువ్వాడ అజయ్ కుమార్ ప్రజలకు దసరా పర్వదిన శుభాకాంక్షలు తెలిపారు. ప్రజల జీవితాల్లో సుఖసంతోషాలు నిండాలని దుర్గామాతను ప్రార్థించారు.

Kushaiguda: కుషాయిగూడ శ్రీ పద్మావతి వేంకటేశ్వరస్వామి ఆలయంలో శరన్నవరాత్రుల వేళ అమ్మవారు సంతాన లక్ష్మిగా దర్శనమిచ్చారు.

Parkal: పరకాల పట్టణంలో నిర్వహించనున్న దసరా వేడుకలు, రావణాసుర వధ ఏర్పాట్లను మున్సిపల్ చైర్మన్ పావుశెట్టి సునీల్ కుమార్ సోమవారం క్షేత్రస్థాయిలో పరిశీలించారు.

Guntur: చెప్పాం.. చేస్తున్నాం నినాదంతో ప్రత్తిపాడులో రూ.2,000 కోట్లకు పైగా అభివృద్ధి పనులు చేపట్టామని ఎమ్మెల్యే డాక్టర్ బూర్ల రామాంజనేయులు వెల్లడించారు.

Palvancha: భద్రాద్రి కొత్తగూడెం ఐడీఓసీలో నిర్వహించిన ప్రజావాణిలో వచ్చిన ప్రతి దరఖాస్తును గడువులోగా పరిష్కరించాలని స్పెషల్ డిప్యూటీ కలెక్టర్ కె. వెంకటరావు అధికారులను ఆదేశించారు.

Karimnagar: కరీంనగర్ జిల్లా ప్రజలకు కలెక్టర్ చిత్రా మిశ్రా దసరా శుభాకాంక్షలు తెలిపారు. ప్రతి ఇంటా సిరిసంపదలు, శాంతి సౌభాగ్యాలు వెల్లివిరియాలని ఆమె మనస్ఫూర్తిగా ఆకాంక్షించారు.

Makthal: నారాయణపేట జిల్లా మక్తల్ మండలం జక్లేర్ వద్ద అక్రమంగా ఇసుక తరలిస్తున్న 5 టిప్పర్లను పోలీసులు పట్టుకున్నారు. నిందితులపై కేసులు నమోదు చేసినట్లు ఎస్సై రాజు తెలిపారు.

Sangareddy: గౌడ సంక్షేమానికి బడ్జెట్‌లో రూ.5 వేల కోట్లు కేటాయించాలని సంగారెడ్డిలో కల్లుగీత కార్మిక సంఘం 69వ ఆవిర్భావ దినోత్సవం సందర్భంగా నేతలు ప్రభుత్వాన్ని డిమాండ్ చేశారు.