సీఎం రేవంత్ రెడ్డి కొడంగల్ పర్యటన నేపథ్యంలో వికారాబాద్ జిల్లా ఎస్పీ స్నేహ మెహ్రా పోలీస్ అధికారులకు ప్రత్యేక బ్రీఫింగ్ ఇచ్చారు. రూట్ బందోబస్తు, ట్రాఫిక్ నియంత్రణ, సభా ప్రాంగణ భద్రతపై కఠిన ఆదేశాలు జారీ చేశారు. ప్రజలకు అసౌకర్యం కలగకుండా సమన్వయంతో, క్రమశిక్షణతో విధులు నిర్వహించాలని సూచించారు.

ములకలపల్లి మండలం మూకమామిడి–మొగరలగుప్ప మధ్య వరదకు కొట్టుకుపోయిన వంతెనను అశ్వారావుపేట ఎమ్మెల్యే జారే ఆదినారాయణ పరిశీలించారు. 2 రోజుల్లో తాత్కాలిక రహదారి పూర్తి చేయాలని, పంట నష్టంపై నివేదిక ఇవ్వాలని అధికారులను ఆదేశించారు. వాగులో చిక్కుకుని బయటపడ్డ మధును పరామర్శించి, కల్యాణలక్ష్మి చెక్కులు పంపిణీ చేశారు.

భద్రాచలంలో టీజీ సేఫ్ ఆధ్వర్యంలో ఆహార భద్రతా శాఖ మెరుపు దాడులు నిర్వహించి 11 రెస్టారెంట్ల లైసెన్సులు సస్పెండ్ చేయగా, 4 హోటళ్లకు ఇంప్రూవ్‌మెంట్ నోటీసులు ఇచ్చింది. వినియోగానికి పనికిరాని 565 కిలోల నాసిరకం ఆహార పదార్థాలను అధికారులు స్వాధీనం చేసుకుని ధ్వంసం చేశారు. కఠిన చర్యలు ఉంటాయని హెచ్చరించారు.

ప్రయాణికులు, స్థానికుల సౌకర్యార్థం దామరచర్ల రాజాపేట మధ్య అండర్ పాస్ మంజూరైనట్లు నల్గొండ ఎంపీ కుందూరు రఘువీర్ రెడ్డి ప్రకటించారు. మిర్యాలగూడలో ఇందిరమ్మ ఇండ్ల పట్టాల పంపిణీ సభలో మాట్లాడిన ఆయన, త్వరలోనే పనులు ప్రారంభిస్తామని, అర్హులైన ప్రతి పేద కుటుంబానికి ఇందిరమ్మ ఇల్లు అందిస్తామని స్పష్టం చేశారు.

నాగోల్‌లో అక్టోబర్ 31న అదృశ్యమైన ఇద్దరు చిన్నారుల కోసం సీపీ సుమతి ఆదేశాలతో పోలీసులు గాలింపు ముమ్మరం చేశారు. ఉప్పల్, నాగోల్ సీఐల ఆధ్వర్యంలో ఉప్పల్ భగాయత్, రామంతాపూర్ ప్రాంతాల్లో ఫొటోలతో తనిఖీలు చేపట్టారు. పిల్లలను క్షేమంగా అప్పగిస్తేనే దీపావళి జరుపుకుంటామని తల్లిదండ్రులు కన్నీటితో వేడుకున్నారు.

గుంటూరు: జడ్పిటిసి, ఎంపీటీసీ ఓట్ల లెక్కింపు పకడ్బందీగా చేపట్టాలని జిల్లా కలెక్టర్ మరియు జిల్లా ఎన్నికల అథారిటీ సి.యం.సాయికాంత్ వర్మ అధికారులను ఆదేశించారు. ఓట్ల లెక్కింపుపై శుక్రవారం సంబంధిత అధికారులతో టెలి కాన్ఫరెన్స్ నిర్వహించారు. ఈ సందర్భంగా మాట్లాడుతూ ప్రతి మండలానికి సంబంధించి రెండు ఓట్ల లెక్కింపు గదులను ఏర్పాటు చేశామని చెప్పారు.

రాష్ట్ర ప్రభుత్వ ప్రధాన కార్యదర్శి సంజయ్ జాజు వీడియో కాన్ఫరెన్స్ సమీక్ష నేపథ్యంలో ఎల్ నినో సమస్యలను సమష్టిగా ఎదుర్కోవాలని అదనపు కలెక్టర్ మధుమోహన్ ఆదేశించారు. పీఎం పాఠశాల పనులు వేగవంతం చేయాలని, తాగునీటి లీకేజీలు అరికట్టాలని తెలిపారు. రికార్డు స్థాయిలో 5.38 లక్షల మందికి ఉపాధి కల్పించామని, ఆసరా దరఖాస్తులను పారదర్శకంగా పరిశీలించాలన్నారు.

జమ్మికుంట మున్సిపల్ పరిధిలోని 8వ వార్డు మారుతి నగర్‌లో రూ.50 లక్షల విలువైన రోడ్డు, డ్రైనేజీ పనులకు మున్సిపల్ చైర్మన్ మొలుగు ప్రశాంత్ కుమార్ దిలీప్, కౌన్సిలర్ కొలుగురి సురేష్‌తో కలిసి భూమి పూజ చేశారు. ప్రభుత్వం మంజూరు చేసిన రూ.15 కోట్లతో అన్ని వార్డులనూ అభివృద్ధి చేస్తామని తెలిపారు. మేనేజర్ రాజిరెడ్డి, ఏఈ వికాస్ పాల్గొన్నారు.

శ్రీ కురుమూర్తి స్వామి బ్రహ్మోత్సవాల పోస్టర్‌ను కలెక్టర్‌తో కలిసి ఆవిష్కరించిన దేవరకద్ర ఎమ్మెల్యే జి. మధుసూదన్ రెడ్డి, ఏర్పాట్లపై సమీక్షించారు. నవంబర్ 14న అలంకారోత్సవం, 16న ఉద్దాల మహోత్సవానికి వచ్చే లక్షలాది భక్తులకు అసౌకర్యం కలగకుండా అన్ని శాఖల అధికారులు సమన్వయంతో పనిచేయాలని ఆదేశించారు. పాలకమండలి సభ్యులు పాల్గొన్నారు.

తిరుచానూరు: తిరుచానూరు శ్రీ పద్మావతి అమ్మవారు శుక్రవారం సాయంత్రం బంగారు తిరుచ్చి పై నాలుగు మాడా వీధుల్లో ఊరేగుతూ భక్తులకు కనువిందు చేశారు. ఇందులో భాగంగా అమ్మవారిని వేకువజామున సుప్రభాతంతో మేలుకొలిపి, నిత్య కైంకర్యాలు, అభిషేకం నిర్వహించారు.

గద్వాల ఎమ్మెల్యే క్యాంపు కార్యాలయంలో నియోజకవర్గంలోని 580 మందికి పైగా ఆడపడుచులకు రూ.1,00,116 చొప్పున కళ్యాణ లక్ష్మి, షాదీ ముబారక్ చెక్కులను ఎమ్మెల్యే బండ్ల కృష్ణమోహన్ రెడ్డి పంపిణీ చేశారు. మెడికల్ కాలేజీ, 300 పడకల ఆసుపత్రితో గద్వాలను అభివృద్ధి చేశామని, చెక్కుల కోసం ఎవరికీ లంచాలు ఇవ్వొద్దని ఎమ్మెల్యే స్పష్టం చేశారు.

అమలాపురం: ఓట్ల లెక్కింపులో పారదర్శకత, నిష్పక్షపాతమే ప్రధాన లక్ష్యం ప్రతి సందేహాన్ని ముందుగానే నివృత్తి చేసుకోవాలి.కౌంటింగ్ సిబ్బంది,సూపర్వైజర్లు,అసిస్టెంట్లకు శిక్షణ కార్యక్రమంలో జిల్లా కలెక్టర్ పాల్గొన్నారు.జిల్లాలో జడ్పీటీసీ,ఎంపీటీసీ ఎన్నికల ఓట్ల లెక్కింపు ప్రక్రియను ఎలాంటి పొరపాట్లకు తావులేకుండా,పూర్తిస్థాయి పారదర్శకతతో,నిష్పక్షపాతంగా నిర్వహించేందుకు కౌంటింగ్ సిబ్బంది.