నెల్లూరు రూరల్ 26వ డివిజన్ టిడిపి అభివృద్ధిలో పోటీ చేసిన కోరం గాయత్రి గెలుపొందారు.. తన గెలుపునకు కృషి చేసిన ప్రతి ఒక్కరికి పేరుపేరునా హృదయపూర్వక ధన్యవాదాలు తెలిపారు.

పార్వతీపురం మన్యం జిల్లా పాలకొండ నగర పంచాయతీ చైర్మన్‌గా జనసేనకు చెందిన పల్లా విజయనిర్మల గెలుపొందారు. కూటమి అభివృద్ధికి ప్రజలు పట్టం కట్టారని ఎమ్మెల్సీ కావలి గ్రీష్మ అన్నారు. సీఎం చంద్రబాబు, డిప్యూటీ సీఎం పవన్ కళ్యాణ్‌కు పాలకొండను కానుకగా ఇచ్చామని, ఎమ్మెల్యే నిమ్మక జయకృష్ణతో కలిసి పట్టణాన్ని అభివృద్ధి చేస్తామన్నారు.

ఎల్‌బీనగర్ మహిళా న్యాయ కళాశాలలో ‘ధీరా’ మహిళా భద్రతా సదస్సు నిర్వహించారు. మహిళలు ధైర్యంగా ఉండాలని, ఆపదలో డయల్ 100/112 లేదా షీ టీమ్స్ 9490617444 నంబర్లను ఆశ్రయించాలని డీసీపీ అనూరాధ సూచించారు. కోచ్ వసంత్ కుమార్ విద్యార్థినులకు ఆత్మరక్షణ కరాటే మెళకువలపై ప్రత్యక్ష శిక్షణ ఇచ్చారు.

నాగోల్‌లో ఉస్మానియా, కాకతీయ యూనివర్సిటీల పూర్వ విద్యార్థుల ‘జాతీయవాదుల సంగమం–2026’ ఘనంగా నిర్వహించారు. ఏబీవీపీ నేర్పిన క్రమశిక్షణ, దేశభక్తే తమకు పునాది అని బీజేపీ నేతలు సునీల్ బన్సల్, ఎన్. రామచంద్రరావు, కాసం వెంకటేశ్వర్లు పేర్కొన్నారు. పార్టీ బలోపేతానికి పూర్వ నేతలంతా కృషి చేయాలని కోరారు.

క్యూఎస్ ఆసియా యూనివర్సిటీ ర్యాంకింగ్స్ 2027లో ఐఐటీ హైదరాబాద్ 19 స్థానాలు మెరుగుపరుచుకుని 251వ స్థానాన్ని సాధించింది. పరిశోధన, డీప్‌టెక్ రంగాల్లో ప్రగతికి ఈ గుర్తింపు దక్కిందని డైరెక్టర్ బి.ఎస్. మూర్తి పేర్కొన్నారు. ఎన్‌ఐఆర్‌ఎఫ్‌లో 7వ ర్యాంకు, 850కి పైగా పేటెంట్లతో సంస్థ దూసుకుపోతోందని తెలిపారు.

జనగామ జిల్లా బచ్చన్నపేట మండలం కొడవటూరుకు చెందిన సిద్ధయ్య హత్య కేసును పోలీసులు ఛేదించారు. కుటుంబంలో మరణాలకు చేతబడే కారణమన్న మూఢనమ్మకంతో సవతి సోదరుడు శ్రీనివాస్ హత్య చేసినట్లు తేలింది. నిందితుడిని అరెస్ట్ చేసి స్కూటీని స్వాధీనం చేసుకున్నామని ఏసీపీ భీమ్ శర్మ తెలిపారు. సీపీ శ్వేత పోలీసులను అభినందించారు.

గోవా నుంచి హైదరాబాద్‌కు ఎండీఎంఏ డ్రగ్స్ తరలిస్తున్న ఉప్పల్‌కు చెందిన నలుగురిని పోచారం వద్ద ఎస్‌ఓటీ, స్థానిక పోలీసులు పట్టుకున్నారు. వారి నుంచి ఎండీఎంఏ, 4 ఫోన్లు, ఎర్టిగా కారు స్వాధీనం చేసుకున్నారు. కేసు నమోదు చేసి నిందితులను రిమాండ్‌కు తరలించినట్లు సీఐ జగన్నాథ్ తెలిపారు.

వచ్చే ఏడాది జరిగే గోదావరి పుష్కరాల దృష్ట్యా భద్రాచలంలో భక్తుల సౌకర్యార్థం సబ్ కలెక్టర్ మృణాల్ శ్రేష్ఠ ఆర్ అండ్ బి, పంచాయతీ అధికారులతో కలిసి కీలక ప్రాంతాలను పరిశీలించారు. ఎన్‌హెచ్ 30 నుంచి పుష్కర ఘాట్లకు వెళ్లే రోడ్లు, కరకట్ట మార్గాలను తనిఖీ చేసి, త్వరలోనే మౌలిక వసతుల పనులు ప్రారంభిస్తామన్నారు.

భూమి, హక్కుల కోసం ప్రాణాలర్పించిన అమరవీరుల ఆశయ సాధనకు పోరాడాలని చర్ల మండలం చిన్నముడిసీలేరులో జరిగిన సభలో సీపీఐ ఎంఎల్ న్యూడెమోక్రసీ నేత సంతపూరి సురేష్ పిలుపునిచ్చారు. ఆదివాసీల భూములను కార్పొరేట్లకు కట్టబెట్టే కుట్రలను తిప్పికొట్టాలంటూ, నవంబర్ 9 వరకు గ్రామాల్లో వర్ధంతి సభలు నిర్వహించాలని కోరారు.

ఆమనగల్లు వ్యవసాయ మార్కెట్ కమిటీ చైర్మన్ పదవిని దళిత వర్గానికి కేటాయించి, 30 ఏళ్లుగా పార్టీకి సేవలందిస్తున్న సీనియర్ నేత పసుపుల జంగయ్యకు అవకాశం ఇవ్వాలని ఎమ్మెల్యే కసిరెడ్డి నారాయణరెడ్డికి కేఎన్ఆర్ సేవాదళం బాబా, స్వర్ణకార సంఘం రాము విజ్ఞప్తి చేశారు. సామాజిక న్యాయానికి పెద్దపీట వేయాలని కోరారు.

మెదక్ జిల్లా శంకరంపేట ఆర్, చేగుంట పీఎస్‌లను అదనపు ఎస్పీ విక్రాంత్ కుమార్ సింగ్ ఐపీఎస్ ఆకస్మికంగా తనిఖీ చేశారు. CCTNS, ఈ సాక్ష్య రికార్డులను పరిశీలించి, పెట్రోలింగ్ పెంచాలని ఆదేశించారు. గ్రామీణ ప్రాంతాల్లో డ్రగ్స్, సైబర్ నేరాలపై అవగాహన కల్పించాలని, బాధితులకు తక్షణ న్యాయం అందించాలని సూచించారు.

మురసు తుఫానుతో కురుస్తున్న వర్షాలను సైతం లెక్కచేయకుండా సూర్యాపేట పోలీసులు రహదారులపై విస్తృత వాహన తనిఖీలు చేపట్టారు. ప్రధాన జంక్షన్లు, సరిహద్దుల్లో నిఘా ఉంచి అక్రమ రవాణాకు చెక్ పెడుతున్నారు. ప్రమాదాలు జరగకుండా ట్రాఫిక్‌ను క్రమబద్ధీకరిస్తూ, ఆపదలో ఉంటే డయల్ 112కు సమాచారం ఇవ్వాలని సూచించారు.