అనకాపల్లి జిల్లా మార్టూరులో స్థానిక ఎన్నికల్లో పోలీసులు మానవత్వాన్ని చాటుకున్నారు. నడవలేని స్థితిలో ఓటు వేసేందుకు వచ్చిన ఓ వృద్ధురాలిని కుర్చీపై కూర్చోబెట్టి స్వయంగా పోలింగ్ బూత్‌లోకి తీసుకెళ్లి ఓటు వేయించారు. వృద్ధురాలి పౌర చైతన్యాన్ని, పోలీసుల సేవా భావాన్ని స్థానికులు వేనోళ్ల ప్రశంసించారు.

పాలకుర్తి: పేద బడుగు బలహీన వర్గాల అభ్యున్నతి కోసం నిజాం నిరంకుశ పాలకుల పై విస్నూర్ దేశ్ ముఖ్ పై పోరాడిన తెలంగాణ సాయుధ పోరాట యోధుడు నల్ల నర్సింహులు అని అఖిలభారత పద్మశాలి సంఘం రాష్ట్ర నాయకులు జనగామ జిల్లా పోప కార్యదర్శి చిదురాల ఎల్లయ్య, బిజెపి ఓబీసీ మండల అధ్యక్షుడు దేవసాని కృపాకర్, పాలకుర్తి పట్టణ పద్మశాలి సంఘం అధ్యక్షులు చిలకమారి వెంకటేశ్వర్లు అన్నారు.

జగిత్యాల మండలం పొలాస శ్రీ పౌలస్త్యేశ్వర స్వామి ఆలయంలో ఎమ్మెల్యే డాక్టర్ సంజయ్ కుమార్ ప్రత్యేక పూజలు చేశారు. అర్చకులు ఆయనను శేషవస్త్రాలతో సత్కరించారు. నియోజకవర్గ ప్రజా సంక్షేమాన్ని కాంక్షిస్తూ స్వామివారిని దర్శించుకున్నానని, చారిత్రక పొలాస ఆలయాన్ని అన్ని విధాలా అభివృద్ధి చేస్తామని ఎమ్మెల్యే తెలిపారు.

జపాన్‌లోని కోబేలో జరిగిన CCT 2026 అంతర్జాతీయ సదస్సులో రాజమహేంద్రవరం కిమ్స్ చీఫ్ కార్డియాలజిస్ట్ డాక్టర్ ఎన్.ఎస్. రామరాజు అరుదైన గౌరవం పొందారు. కాంప్లెక్స్ కరోనరీ సెషన్‌కు అంతర్జాతీయ ఫ్యాకల్టీగా, జడ్జిగా వ్యవహరించారు. గ్లోబల్ వేదికపై నగరానికి ప్రాతినిధ్యం వహించడం గర్వంగా ఉందని ఆయన పేర్కొన్నారు.

దేవరకొండ: RTC రిటైర్డ్ ఉద్యోగుల బకాయిలు వెంటనే విడుదల చేయాలని RTC కార్మికుడు పెంటోజీ నిరాహార దీక్షకు సంగీ భావం దేవరకొండ పట్టణములో రిటైర్డ్ RTC ఉద్యోగి దబ్బేకార్ పెంటోజీ రాష్టంలో వున్న 18000 RTC కార్మికుల పెండింగ్ బకాయిలను తక్షణమే విడుదల చేయాలనీ చేసేటటువంటి నిరాహార దీక్షకు జాతీయ బీసీ సంక్షేమ సంఘం సంపూర్ణ మద్దతు సంగీభావం ప్రకటించింది.

ఎల్ నినో ప్రభావంతో వర్షాలు తగ్గడంతో వరికి బదులు పప్పు దినుసులు, కూరగాయల వంటి ప్రత్యామ్నాయ పంటలు సాగు చేయాలని యర్రవల్లి మండలంలో నిర్వహించిన రైతు క్షేత్ర పాఠశాలలో కేవీకే జిల్లా సమన్వయకర్త అర్చన రైతులకు సూచించారు. వేరుశనగ పంటకు ఎకరానికి 200 కిలోల జిప్సం వేయాలని తెలిపారు.

ఖమ్మం: ఖమ్మం నగరపాలక సంస్థ పరిధిలోని వైరా రోడ్డులో సౌత్ ఇండియా షాపింగ్ మాల్ నుంచి పాత బస్టాండ్ వరకు ఆక్రములను తొలగింపు కార్యక్రమం నిర్వహించారు. రహదారులు, ఫుట్‌పాత్‌లను ఆక్రమించి ఏర్పాటు చేసిన అక్రమ నిర్మాణాలు, ఇనుప గ్రిల్స్, ఇతర అడ్డంకులను నగరపాలక సంస్థ పారిశుద్ధ్య సిబ్బంది మరియు టౌన్ ప్లానింగ్ అధికారులు మరియు సిబ్బంది DRF సిబ్బంది కలిసి తొలగించారు.

అయ్యప్ప సొసైటీలో హైకోర్టు ఆదేశాలు ఉల్లంఘించి సీఎం రేవంత్ రెడ్డి సోదరులు 700 అక్రమ నిర్మాణాలకు అనుమతులు ఇప్పిస్తూ దోపిడీ చేస్తున్నారని కల్వకుంట్ల కవిత ఆరోపించారు. నెల రోజుల్లో ఖానామెట్‌లో అక్రమ భవనాలపై చర్యలు తీసుకోకుంటే తామే స్వయంగా వెళ్లి రెడ్ మార్క్ వేస్తామని డెడ్‌లైన్ విధించారు.

నిర్మల్: రానున్న గోదావరి పుష్కరాలకు వచ్చే భక్తులకు ఎలాంటి ఇబ్బందులు కలగకుండా అన్ని రకాల మౌలిక సదుపాయాలు కల్పించాలని జిల్లా కలెక్టర్ భవేశ్ మిశ్రా అధికారులను ఆదేశించారు. పుష్కరాల నిర్వహణకు ముందస్తు ప్రణాళికతో అన్ని శాఖల అధికారులు సమన్వయంతో పనిచేయాలని సూచించారు.

నర్సాపూర్: ప్రతిభకు పట్టుదల తోడైతే విజయాలు సొంతమవుతాయని నిరూపించింది నర్సాపూర్‌కు చెందిన విద్యార్థిని బుర్ర శ్రీనిధి. జిల్లా స్థాయిలో నిర్వహించిన నేషనల్ చిల్డ్రన్స్ సైన్స్ కాంగ్రెస్ (NCSE – National Children's Science Congress) పోటీల్లో తన ప్రతిభను చాటుకొని ప్రథమ బహుమతి సాధించింది. అంతేకాకుండా రాష్ట్రస్థాయి పోటీలకు ఎంపికై నర్సాపూర్ ప్రాంతానికి గర్వకారణంగా నిలిచింది.

Telangana Global Summit 2026: తెలంగాణ రాష్ట్రానికి భారీగా పెట్టుబడులను ఆకర్షించడమే కాకుండా పారిశ్రామిక రంగాన్ని అంతర్జాతీయ స్థాయికి తీసుకెళ్లే లక్ష్యంతో రాష్ట్ర ప్రభుత్వం అత్యంత ప్రతిష్టాత్మకంగా ‘ఇన్వెస్ట్ తెలంగాణ గ్లోబల్ సమ్మిట్–2026’ నిర్వహణకు సన్నాహాలు చేస్తోంది. డిసెంబర్ 7, 8 మరియు 9 తేదీలలో సరికొత్తగా అభివృద్ధి చెందుతున్న ఫ్యూచర్ సిటీ వేదికగా ఈ సమ్మిట్‌ను అత్యంత వైభవంగా నిర్వహించనున్నారు.

ప్రభుత్వ ఆర్థిక లావాదేవీలు, ఉద్యోగుల సర్వీసు వ్యవహారాల నిర్వహణలో పారదర్శకత కోసం ప్రవేశపెట్టిన ఐఎఫ్‌ఎంఐఎస్ డిజిటల్ వ్యవస్థపై జిల్లా ట్రెజరీ అధికారి గాయత్రి డీడీవోలకు శిక్షణ ఇచ్చారు. ఈ సాంక్షన్, ఈ హెచ్‌ఆర్‌ఎంఎస్ విధానాలను నిబంధనల ప్రకారం సమర్థవంతంగా వినియోగించుకోవాలని ఆమె సూచించారు.