ఎమ్మెల్సీ ఓటు హక్కు నమోదుపై అవగాహన కల్పించేందుకు వరంగల్‌లో ఓ సిటీ నుంచి కాశీబుగ్గ వరకు నిర్వహించిన స్వీప్ ర్యాలీలో కలెక్టర్ డాక్టర్ సత్య శారద పాల్గొన్నారు. ప్రజాస్వామ్య బలోపేతానికి ఓటు కీలకమని, అర్హులైన గ్రాడ్యుయేట్లు, ఉపాధ్యాయులు ఓటరుగా నమోదు కావాలని సూచించారు. జిల్లా అధికారులు పాల్గొన్నారు.

Europe: యూరప్ దేశాల్లోని సూపర్ మార్కెట్లను లక్ష్యంగా చేసుకుని జరుగుతున్న సైబర్ దాడులు తీవ్ర ఆందోళన కలిగిస్తున్నాయి. స్వీడన్, బెల్జియం, లక్సెంబర్గ్‌ దేశాల్లోని పలు సూపర్ మార్కెట్లలో రిఫ్రిజిరేషన్ సిస్టమ్స్ అకస్మాత్తుగా నిలిచిపోవడం కలకలం రేపింది. ఇంటర్నెట్‌కు అనుసంధానించిన డిజిటల్ పరికరాలను హ్యాకర్లు తమ ఆధీనంలోకి తీసుకుంటున్నారనే అనుమానాలు వ్యక్తమవుతున్నాయి.

సిరిసిల్ల ఐడీవోసీలో ప్రభుత్వ, రెసిడెన్షియల్ పాఠశాలల నిర్వహణపై కలెక్టర్ గరిమ అగ్రవాల్ సమీక్షించారు. అదనపు గదులు, టాయిలెట్ల నిర్మాణాలను గడువులోగా పూర్తి చేయాలని ఆదేశించారు. కేజీబీవీల్లో 19 గదుల పనులు కొనసాగుతున్నాయని, విద్యార్థులకు మెనూ ప్రకారం నాణ్యమైన భోజనం అందించాలని కలెక్టర్ స్పష్టం చేశారు.

ఆదిలాబాద్ షాద్‌నగర్‌కు చెందిన 11 ఏళ్ల బాలుడు తల్లి మందలించడంతో మనస్తాపం చెంది ఇల్లు వీడాడు. 'పోలీస్ మీకోసం'లో తల్లి ఫిర్యాదు చేయగా.. మావల సీఐ ప్రేమ్ కుమార్ మూడు బృందాలతో సీసీ కెమెరాల ద్వారా గాలించి 3 గంటల్లోనే బాలుడిని క్షేమంగా తల్లికి అప్పగించారు. పోలీసులను ఎస్పీ అఖిల్ మహాజన్ అభినందించారు.

నంద్యాల: నంద్యాల పట్టణంలోని పలు ప్రాంతాల్లో చోరీలకు పాల్పడుతున్న అంతర్‌జిల్లా దొంగలను పోలీసులు అరెస్ట్ చేశారు. జయంపు మహేష్, అభిసెట్టి నాగేంద్ర అనే ఇద్దరు నిందితులను అరెస్ట్ చేసి, వారి నుంచి సుమారు రూ.10 లక్షల విలువైన బంగారు, వెండి ఆభరణాలతో పాటు రూ.54 వేల నగదును స్వాధీనం చేసుకున్నట్లు ఏఎస్పీ సుస్మిత వెల్లడించారు. ప్రధాన నిందితుడు మహేష్‌పై కర్నూలు, నంద్యాల జిల్లాల్లో పలు చోరీ కేసులు ఉన్నాయని తెలిపారు

నాగర్‌కర్నూల్ ఐడీవోసీలో నిర్వహించిన ప్రజావాణికి మొత్తం 57 వినతులు అందాయి. కలెక్టర్ హేమంత కేశవ్ పాటీల్, అదనపు కలెక్టర్ చెన్నయ్య అర్జీలు స్వీకరించారు. ప్రజా సమస్యలపై అధికారులు ప్రత్యేక శ్రద్ధ చూపి నిబంధనల ప్రకారం సకాలంలో పరిష్కారం చూపాలన్నారు. దరఖాస్తుల పరిష్కారంలో జాప్యం చేయవద్దని స్పష్టం చేశారు.

​ప్రొద్దుటూరు: ప్రొద్దుటూరు మున్సిపల్ చైర్మన్ పదవి కేటాయింపు అంశం స్థానికంగా తీవ్ర రాజకీయ దుమారం రేపుతోంది. ఎమ్మెల్యే నంద్యాల వరదరాజులరెడ్డి వైఖరితో బీసీలకు తీవ్ర రాజకీయ అన్యాయం జరిగిందని ప్రొద్దుటూరు మాజీ ఎమ్మెల్యే, వైసీపీ నాయకుడు రాచమల్లు శివప్రసాద్ రెడ్డి తీవ్రస్థాయిలో ధ్వజమెత్తారు.

మంచిర్యాల పట్టణంలో పెరుగుతున్న నేరాలు, దాడులను అరికట్టేందుకు కొత్త ఐపీఎస్ అధికారిని నియమించాలని బీఆర్ఎస్ ఎమ్మెల్సీ మధుసూదనాచారి, మాజీ ఎమ్మెల్యే నడిపెల్లి దివాకర్ రావు డీజీపీకి వినతిపత్రం అందజేశారు. శాంతిభద్రతలను పరిరక్షించి ప్రజలకు రక్షణ కల్పించాలని పోలీసు శాఖను కోరారు.

Hyderabad: ఉస్మానియా యూనివర్సిటీలోని ఈ1, డీ, ఈ2 హాస్టళ్లకు విద్యుత్, నీటి సరఫరా నిలిపివేసి కూల్చివేసే యత్నాలను విరమించాలని బీఆర్‌ఎస్‌వీ రాష్ట్ర ప్రధాన కార్యదర్శి కొంపెల్లి నరేష్ డిమాండ్ చేశారు. నిరుద్యోగులను ఇబ్బంది పెడితే ఆందోళనలు ఉధృతం చేస్తామని హెచ్చరిస్తూ చీఫ్ వార్డెన్‌కు వినతిపత్రం అందజేశారు.

జగ్గంపేట: స్థానిక సంస్థల ఎన్నికల నేపథ్యంలో జగ్గంపేట నియోజకవర్గం లో జగ్గంపేట కిర్లంపూడి గండేపల్లి గోకవరం మండలాల జడ్పిటిసి అభ్యర్థులు తరఫున కేంద్ర మాజీ మంత్రి మల్లిపూడి మంగపతి పల్లంరాజు స్థానిక జగ్గంపేట కాంగ్రెస్ పార్టీ నియోజకవర్గ ఇన్చార్జ్ మరోతి శివగణేష్, జిల్లా కాంగ్రెస్ పార్టీ అధ్యక్షులు మాదేపల్లి సత్యానందరావు లతో కలసి ప్రచారం నిర్వహించారు అనంతరం స్థానిక జగ్గంపేట సాయి బాలాజీ ఫంక్షన్ హాల్ నందు మీడియా సమావేశం నిర్వహించారు.

సింగరేణికి చెందిన 5 బొగ్గు గనులు జాతీయస్థాయిలో ప్రతిష్ఠాత్మక ఫైవ్ స్టార్ రేటింగ్ సాధించాయి. రాయ్‌పూర్‌లో కేంద్ర సహాయ మంత్రి సతీష్ చంద్ర దూబే చేతుల మీదుగా సీఎండీ బుద్ధప్రకాష్ జ్యోతి అవార్డులు అందుకున్నారు. డిప్యూటీ సీఎం భట్టి విక్రమార్క సంస్థ అధికారులు, కార్మికులకు శుభాకాంక్షలు తెలిపారు.

కాకినాడ: కాకినాడ జిల్లాలో నవంబర్ 03వ తేదీన తుని, పిఠాపురం, సామర్లకోట, పెద్దాపురం మున్సిపాలిటీలతో పాటు ఏలేశ్వరం, గొల్లప్రోలు నగర పంచాయతీలకు సంబంధించిన మున్సిపల్ ఎన్నికల ఓట్ల లెక్కింపు ప్రక్రియ ప్రశాంతంగా, పారదర్శకంగా నిర్వహించేందుకు కౌంటింగ్ కేంద్రాల వద్ద పటిష్టమైన భద్రతా ఏర్పాట్లు చేపట్టడమైనదని జిల్లా ఎస్పీ జి. బిందు మాధవ్, ఐపీఎస్ తెలిపారు.