భీమిలి ఎమ్మెల్యే గంటా శ్రీనివాసరావును జీవీఎంసీ పరిధిలో గెలిచిన కూటమి కార్పొరేటర్లు మర్యాదపూర్వకంగా కలిసి కృతజ్ఞతలు తెలిపారు. ప్రజలు ఉంచిన నమ్మకాన్ని నిలబెట్టుకుంటూ పనిచేసి ప్రభుత్వానికి మంచి పేరు తేవాలని గంటా సూచించారు. కూటమి సంక్షేమ పాలనకు మున్సిపల్ ఎన్నికల ఫలితాలే నిదర్శనమని ఆయన పేర్కొన్నారు.

కల్లూరు: ఖమ్మం జిల్లా కల్లూరు టౌన్ లో 15 వార్డులో 2వ సంవత్సరం వార్షికోత్సవ సందర్భంగా పెద్ద చెరువు చెరువు కట్ట మీద శ్రీ కనకదుర్గమ్మ ఆలయంలో ఘనంగా పూజలు నిర్వహించిన చండీ హోమం లో మరియు అన్నదాన కార్యక్రమంలో ముఖ్యఅతిథిగా పాల్గొన్నారు.

హైదరాబాద్‌లోని కోకాపేటలో పద్మశాలి ఆత్మగౌరవ భవన నిర్మాణానికి 2 ఎకరాల భూమి, రూ.5 కోట్ల నిధులను కేటాయిస్తూ తెలంగాణ ప్రభుత్వం ఉత్తర్వులు ఇచ్చింది. బీసీ సంక్షేమ శాఖ మంత్రి పొన్నం ప్రభాకర్, ప్రభుత్వ సలహాదారు వి.హనుమంతరావుతో కలిసి పద్మశాలి సంఘాల ప్రతినిధులకు ప్రొసీడింగ్స్ అందజేశారు.

గంభీరావుపేట: రాజన్న సిరిసిల్ల జిల్లా గంభీరావుపేట పోలీస్ స్టేషన్ పరిధిలో 29 ఏళ్ల మహిళ తన 15 నెలల కుమారుడితో కలిసి అదృశ్యమైంది. గోరంటాల గ్రామానికి చెందిన బందెల నవిత (29) నవంబర్ 4న ఉదయం 9 గంటల సమయంలో భర్త ప్రశాంత్‌తో చిన్నపాటి గొడవ అనంతరం ఇంటి నుంచి కుమారుడు హిమన్షుతో కలిసి బయటకు వెళ్లింది.

నారాయణపేట సింగారం మలుపు వద్ద నిర్మిస్తున్న నూతన సమీకృత కలెక్టరేట్ (ఐడీవోసీ) పనులను కలెక్టర్ ప్రియాంక పరిశీలించారు. ఫర్నిచర్, వీసీ హాల్, పార్కింగ్ పనులను నాణ్యతతో పూర్తి చేసి, రాబోయే 10 రోజుల్లో భవనాన్ని ప్రారంభోత్సవానికి సంపూర్ణంగా సిద్ధం చేయాలని అధికారులను ఆదేశించారు.

చర్లపల్లి: కార్మిక హక్కుల పరిరక్షణకు సంఘటిత పోరాటాలే మార్గమని సీఐటీయూ మేడ్చల్‌ జిల్లా ప్రధాన కార్యదర్శి అశోక్‌ తెలిపారు. చర్లపల్లి పారిశ్రామికవాడలోని బీపీసీఎల్‌ పరిశ్రమలో పనిచేస్తున్న కాంట్రాక్టు కార్మికులు నూతనంగా ఏర్పాటు చేసుకున్న బీపీసీఎల్‌ కాంట్రాక్టు వర్కర్స్‌ యూనియన్‌ (సీఐటీయూ) జెండాను ఆయన ఆవిష్కరించారు.

కృష్ణా గుంటూరు ఉపాధ్యాయ ఎమ్మెల్సీ ఓటరు నమోదుకు నవంబర్ 6 ఆఖరు తేదీ అని ఈఆర్వో, డీఆర్వో ఎన్.ఎస్.కె. ఖాజావలి తెలిపారు. గతంలో ఓటు ఉన్నవారైనా కొత్తగా ఫారం 19 సమర్పించాల్సిందేనని స్పష్టం చేశారు. ఇప్పటివరకు 10,909 దరఖాస్తులు రాగా, మరో 2,600 మంది నమోదు కావాల్సి ఉందని, వెంటనే దరఖాస్తు చేసుకోవాలని కోరారు.

కొత్తగూడెం: ప్రభుత్వ శాఖల్లో డిజిటల్ ఆర్థిక పరిపాలనను మరింత సమర్థవంతంగా అమలు చేసే లక్ష్యంతో భద్రాద్రి కొత్తగూడెం జిల్లా ఖజానా శాఖ ఆధ్వర్యంలో నిర్వహించిన IFMIS జిల్లా స్థాయి కాస్కేడింగ్ శిక్షణ కార్యక్రమం విజయవంతమైంది. గురువారం కొత్తగూడెంలోని ఐడీఓసీ సమావేశ మందిరంలో నిర్వహించిన ఈ కార్యక్రమానికి జిల్లాలోని వివిధ ప్రభుత్వ శాఖలకు చెందిన 450 మందికి పైగా అధికారులు, ఉద్యోగులు హాజరయ్యారు.

గుడిహత్నూర్ పీహెచ్‌సీలో పుట్టిన కొద్ది గంటలకే పసికందుపై సీలింగ్ ఫ్యాన్ పడి గాయపడ్డ ఘటనలో టీజీహెచ్‌ఆర్‌సీ ఆదేశించిన రూ.50 వేల నష్టపరిహారం ఏడాది దాటినా అందలేదు. కొద్దుగూడ గ్రామానికి చెందిన బాధిత తల్లి పాయల్ జాధవ్ వైద్య ఖర్చులకు అప్పులపాలవుతుండటంతో కలెక్టర్ స్పందించి ఆదుకోవాలని కోరుతున్నారు.

సర్వేపల్లి శాసనసభ్యులు సోమిరెడ్డి చంద్రమోహన్ రెడ్డిని ఆయన నివాసంలో మర్యాదపూర్వకంగా భేటీ అయ్యి శాలువాతో సత్కరించిన ప్రత్యేక ధన్యవాదములు తెలిపారు నెల్లూరు నగర మేయర్ అభ్యర్థిగా విజయం సాధించిన రూప్ కుమార్ యాదవ్. అనంతరం రూప్ కుమార్ ని చంద్రమోహన్ రెడ్డి ఆయన తనయుడు రాజగోపాల్ రెడ్డి శాలువ కప్పి ఘనంగా సన్మానించి హృదయపూర్వక శుభాకాంక్షలు తెలిపారు.

నారాయణపేట: ప్రజల బలహీనతలు, అత్యాశను ఆసరాగా చేసుకొని సైబర్ నేరగాళ్లు రోజురోజుకూ కొత్తకొత్త పద్ధతుల్లో ఆర్థిక మోసాలకు పాల్పడుతున్నారని, ముఖ్యంగా మల్టీ లెవల్ మార్కెటింగ్ (MLM), గొలుసుకట్టు వ్యాపారాల పేరుతో అధిక లాభాలు వస్తాయని ఆశ చూపే మోసపూరిత స్కీముల పట్ల ప్రజలు అప్రమత్తంగా ఉండాలని జిల్లా ఎస్పీ డా. వినీత్ ఒక ప్రకటనలో తెలిపారు.

జీవీఎంసీ ఎన్నికల్లో అనకాపల్లి జోన్ నుంచి గెలిచిన ఆరుగురు కూటమి కార్పొరేటర్లను ఎమ్మెల్యే కొణతాల రామకృష్ణ జనసేన కార్యాలయంలో ఘనంగా సత్కరించారు. పదవులు బాధ్యతతో కూడుకున్నవని, ప్రజల నమ్మకాన్ని నిలబెట్టుకుంటూ నిరంతరం అందుబాటులో ఉండి వార్డుల సమగ్ర అభివృద్ధికి చిత్తశుద్ధితో కృషి చేయాలని కార్పొరేటర్లకు దిశానిర్దేశం చేశారు.